গুৱাহাটী, ১৯ জুন, NKTV: যদিও আপোনাৰ বহু কাম কৰ’না মহামাৰীৰ বাবে সম্পন্ন হোৱা নাই, কিন্তু কিছুমান এনে কাম আছে যিবোৰ আপুনি এই মাহতে কৰি থ’ব লাগিব। এই কামবোৰ পোনপটীয়াকৈ আপোনাৰ আৰ্থিক দিশটোৰ সৈতে জড়িত, সেয়েহে আপোনাৰ জ্ঞাতাৰ্থে আমি ৩০জুনৰ ভিতৰত সম্পূৰ্ণ কৰিব লগা কেইটামান কামৰ বিষয়ে জনাব খুজিছোঁ, অন্যথা আপুনি জৰিমনাও পৰিশোধ কৰিব লাগিব পাৰে।
১. আধাৰ-পেন কাৰ্ড সংযোগ কৰক
৩০ জুনৰ ভিতৰত, আপুনি আপোনাৰ আধাৰ আৰু পেন লিংক কৰিব লাগিব। যদিহে নকৰে তেন্তে ১,০০০ টকাৰ জৰিমনা পৰিশোধ কৰা হ’ব আৰু পেন কাৰ্ডো নিষ্ক্ৰিয় হ’ব আৰু আপুনি বেঙ্কিংকে ধৰি আন বহুতো বিত্তীয় কাম কৰিব নোৱাৰিব। এই ক্ষেত্ৰত, যদি আপোনাৰ পেন সক্ৰিয় নহয়, টিডিএছও ২০ শতাংশ হাৰত কৰ্তন কৰা হ’ব।
২. আইটিআৰ ফাইল ৩০ জুনৰ ভিতৰত দাখিল কৰিব লাগিব
যিসকলে আইটিআৰ ফাইল নিৰ্দিষ্ট সময়ত জমা নিদিয়ে তেওঁলোকৰ ওপৰত চৰকাৰে কঠোৰ পদক্ষেপ ল’ব পাৰে। নতুন টিডিএছ নিয়ম অনুসৰি, আয়কৰ আইন, ১৯৬১-ৰ ধাৰা ২০৬এবি-য়ে এতিয়া আইটিআৰ দাখিল নকৰাৰ বাবে দুগুণ টিডিএছ প্ৰদান কৰিব আৰু উৎস (টিচিএছ)ত কৰ সংগ্ৰহ বৃদ্ধি কৰিব। ১ জুলাই, ২০১২১-ৰ পৰা, পিনেল টিডিএছ আৰু টিচিএছ হাৰ ১০-২০ শতাংশ হ’ব যি সাধাৰণতে ৫-১০ শতাংশ আছিল।
৩. প্ৰধানমন্ত্ৰী কিষাণৰ বাবে পঞ্জীয়ন
যদি আপুনি এজন কৃষক আৰু প্ৰধানমন্ত্ৰী কিষাণ আঁচনিৰ সুবিধা ল’ব বিচাৰে, আপোনাৰ ওচৰত ৩০ জুনলৈকে সুযোগ আছে। এই আঁচনিত নিজকে পঞ্জীয়ন কৰক। যদি আপুনি এনে কৰে, আপোনাৰ একাউণ্টত এই বছৰৰ দুটা কিস্তি থাকিব। আপুনি জুন বা জুলাইত ২,০০০ টকা পাব, তাৰ পিছত আগষ্টত ২,০০০ টকাৰ কিস্তি পাব। কিন্তু ইয়াৰ বাবে আপোনাৰ আবেদন গ্ৰাহ্য কৰিব লাগিব।
৪. SBI, HDFC, ICICI বেংকৰ FD আঁচনি
দেশৰ আগশাৰীৰ বেংক SBI, HDFC বেংক, ICICI বেংক আৰু বেংক অফ বৰোদাই জ্যেষ্ঠ নাগৰিকৰ বাবে বিশেষ এফডি মুকলি কৰে, যাৰ ম্যাদ ৩০ জুন তাৰিখে সমাপ্ত হ’ব। জ্যেষ্ঠ নাগৰিকসকলে এই আঁচনিখনত স্বাভাৱিকতকৈ অধিক সুত লাভ কৰে। এই ক্ষেত্ৰত, যদি আপুনি এজন জ্যেষ্ঠ নাগৰিক আৰু সাধাৰণ এফ.ডি.-তকৈ অধিক সুত বিচাৰে, আপুনি এই মাহত ইয়াত বিনিয়োগ কৰিব পাৰে।
৫. জুলাই মাহৰ পৰা IFSC সলনি হ’ব
যদি আপুনি চিণ্ডিকেট বেঙ্কৰ গ্ৰাহক, আপোনাৰ বাবে গুৰুত্বপূৰ্ণ খবৰ। এই বেংকে ১ জুলাইৰ পৰা বেংকৰ আইএফএছচি কোড সলনি কৰিবলৈ গৈ আছে। বেঙ্কৰ নতুন আইএফএছচি কোড ১ জুলাই, ২০২১ৰ পৰা কাৰ্যকৰী হ’ব। চিণ্ডিকেট বেংকৰ গ্ৰাহকসকলে বেংক শাখাৰ বাবে নতুন আইএফএছচি কোড ল’ব লাগিব। চিণ্ডিকেট বেঙ্কে ১ এপ্ৰিল, ২০২০ তাৰিখে কাৰ্যকৰী হোৱাকৈ কানাৰা বেঙ্কৰ সৈতে যুক্ত হৈছে।
