বজাৰলৈ আহি আছে FASTag বাৰ্ষিক পাছ!

কেন্দ্ৰীয় চৰকাৰে ফাষ্টটেগৰ বাৰ্ষিক পাছৰ ব্যৱস্থা আৰম্ভ কৰিবলৈ গৈ আছে। এই পাছ এবাৰ কিনিলে গ্ৰাহকে গোটেই বছৰ ব্যৱহাৰ কৰিব পাৰিব।

বুধবাৰে কেন্দ্ৰীয় পথ পৰিবহণ মন্ত্ৰী নীতিন গাডকাৰীয়ে ঘোষণা কৰিছে যে, আগষ্টৰ ১৫ তাৰিখৰ পৰা ফাষ্টটেগৰ বাৰ্ষিক পাছৰ ব্যৱস্থা কাৰ্যকৰী হ’ব। এই পাছৰ মূল্য হ’ব তিনি হাজাৰ টকা। এই পাছৰ ম্যাদ এবছৰ। এই পাছৰ দ্বাৰা গ্ৰাহকে টোল প্লাজাৰ মাজেৰে মুঠ ২০০বাৰ যাতায়াত কৰিব পাৰিব। যদি কোনো গ্ৰাহকে এবছৰৰ ভিতৰতে ২০০বাৰতকৈ অধিক যাতায়াত কৰে, তেন্তে তেওঁ নতুনকৈ পাছ কিনিব লাগিব। বৰ্তমানৰ বাবে এই ব্যৱস্থা কেৱল অবাণিজ্যিক-ব্যক্তিগত বাহনৰ বাবেহে আৰম্ভ হৈছে।

কেন্দ্ৰই জনাইছে যে, এই পাছ ৰাজমাৰ্গ যাত্ৰা এপ, জাতীয় পথ কৰ্তৃপক্ষৰ ৱেবছাইট আৰু কেন্দ্ৰীয় পথ পৰিবহণ মন্ত্ৰণালয়ৰ চৰকাৰী ৱেবছাইটৰ জৰিয়তে কিনিব পৰা যাব। পুনৰ্নবীকৰণো এই মাধ্যমৰ জৰিয়তে কৰিব পৰা যাব।

দেশৰ বিভিন্ন টোল প্লাজাত টকা পৰিশোধৰ সময়ত যানজঁটৰ সমস্যা এৰাই চলিবলৈ আৰু টোল সংগ্ৰহক এক নিৰ্দিষ্ট ব্যৱস্থাৰ অধীনলৈ আনিবলৈ NHAIয়ে ফাষ্টটেগৰ ব্যৱস্থা আৰম্ভ কৰিছিল। এই ব্যৱস্থাত ব্যৱহাৰকাৰীয়ে বেংক বা আৰ্থিক প্ৰতিষ্ঠানৰ পৰা ফাষ্টটেগ কিনি বাহনৰ কাঁচত (উইণ্ডশ্বিল্ডত) লগায়।

তথাপিও টোল প্লাজাত যানজঁটৰ সমস্যা সম্পূৰ্ণৰূপে নাইকিয়া হোৱা নাই। এই সমস্যা ৰোধ কৰিবলৈ কেন্দ্ৰই ফাষ্টটেগৰ ব্যৱস্থাত বিভিন্ন সময়ত সালসলনি কৰিছে। বহু সময়ত দেখা গৈছে যে, গ্ৰাহকৰ ফাষ্টটেগত বেলেঞ্চ কম থকাৰ বাবে ব্যস্ত সময়ত টকা পৰিশোধত পলম হৈ যানজঁটৰ সৃষ্টি হৈছে। এই সমস্যা এৰাই চলিবলৈ কেন্দ্ৰই অতিৰিক্ত জৰিমনাৰ নিয়ম প্ৰৱৰ্তন কৰিছিল। এইবাৰ তেওঁলোকে আনিছে বাৰ্ষিক পাছৰ ব্যৱস্থা।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...