আহিনৰ আচলত ধৰি ধৰাৰ বুকুলৈ আকৌ আহিল শৰৎ। শৰৎ অহাৰ বতৰা লৈ আকৌ ফুলি উঠিল শেৱালি ফুল। শৰতৰ আগমনত প্ৰস্ফুতিত হোৱা শেৱালি আৰু ইয়াৰ সুগন্ধই শৰতৰ সন্ধিয়াবোৰ অধিক মধুময় কৰি তোলে। এই শেৱালিয়েই কেতিয়াবা কবিৰ কলমে কবিতা হৈ নিগৰে। পুৱা তলসৰা শেৱালি বুটলাৰো আছে অনেক আমেজ। এই শেৱালিৰো আছে বহু ঔষধি গুণ। আহকচোন কি কিনো ঔষধি গুণ আছে এই শেৱালিৰ।
শেৱালিৰ ঔষধি গুণ
১. শেৱালি ফুলৰ পাতৰ ৰস নিয়মীয়াকৈ সেৱন কৰিলে তেজ পৰিষ্কাৰ হয়।
২. শেৱালিয়ে আমাৰ ৰোগ প্ৰতিৰোধক ক্ষমতা বৃদ্ধি কৰে। যাৰ ফলত আমি জ্বৰ, চৰ্দিৰ দৰে ৰোগৰ পৰা হাত হাৰিব পৰা যায়।
৩. শেৱালি ফুলৰ কুমলীয়া পাতৰ ৰস উলিয়াই মৌজোলৰ লগত সেৱন কৰিলে জ্বৰ কাহ ভাল হয়।
৪. শেৱালি ফুল ৰান্ধি খালে, ভোক আৰু খাদ্যৰ ৰুচি বঢ়োৱাত সহায় হয়।
৫. কৃমিৰ সমস্যা থাকিলে শেৱালি পাতৰ ৰস সেৱন কৰিলে যথেষ্ট উপকাৰ পোৱা যায়।