শংকা আঁতৰা নাই ডিব্ৰুগড় চহৰৰ। মাইজানত খহিয়েই আছে বুঢ়া লুইতৰ গৰা। ইতিমধ্যে মথাউৰিৰ পৰা ২০০ মিটাৰ অংশ বুঢ়া লুইতত জাহ গৈছে। তাৰপিছতে তৎপৰতাৰে পুৰণি মথাউৰি খান্দি নতুন মথাউৰি নিৰ্মাণেৰে ডিব্ৰুগড়ক ৰক্ষাৰ আপ্ৰাণ চেষ্টা জলসম্পদ বিভাগৰ।
শুকুৰবাৰে মাইজানৰ খহনীয়া অঞ্চল পৰিদৰ্শন কৰি চৰকাৰৰ বিৰুদ্ধে সৰৱ হ’ল বিৰোধী দলপতি দেৱব্ৰত শইকীয়া। সময় মতে সঠিক পদক্ষেপ নোলোৱা বাবে বৰ্তমানৰ পৰিস্থিতিৰ উদ্ভৱ হোৱা বুলি দাবী শইকীয়াৰ। চৰকাৰক সমালোচনাৰে থকাসৰকা কৰিলে প্ৰাক্তন মন্ত্ৰী প্ৰণতি ফুকনেও।
