চিন্তিত স্বাস্থ্য বিভাগ, মালিগাঁও কেন্দ্ৰীয় বিদ্যালয়, নুমলীগড় DPS আৰু বিমানবন্দৰত কভিডৰ সংহাৰ

গুৱাহাটীৰ মালিগাঁও কেন্দ্ৰীয় বিদ্যালয়ত কৰ’নাৰ সংক্ৰমণ। বিদ্যালয়খনৰ ৭জন আক্ৰান্ত হৈছে ক’ভিডত। ইয়াৰে ৪জন শিক্ষক আৰু ৩জন ছাত্ৰ আক্ৰান্ত হৈছে ক’ভিডত। ইতিমধ্যে বিদ্যালয়খনত ক’ভিড পৰীক্ষাৰ ব্যৱস্থা কৰিছে স্বাস্থ্য বিভাগে। ক’ভিড আক্ৰান্তসকলক ভৰ্তি কৰোৱা হৈছে GMCHত। ইফালে, নুমলীগড় NRLৰ DPSত কৰ’নাৰ সংক্ৰমণ। কৰ’নাত আক্ৰান্ত বিদ্যালয়খনৰ অধ্যক্ষগৰাকী। শীতৰ বন্ধৰ পিছত ৪ জানুৱাৰীত খুলিছিল বিদ্যালয়। মঙলবাৰে বিদ্যালয়ত ক’ভিড প্ৰতিষেধকো প্ৰদান কৰা হৈছিল ছাত্ৰ-ছাত্ৰীক। আনহাতে, বহিঃ ৰাজ্যৰ পৰা অহা বহুজনৰ দেহত ক’ভিড সংক্ৰমণ। বৰঝাৰ বিমানবন্দৰত ২৯জন ক’ভিড পজিটিভ। বহিঃৰাজ্যৰ বিমান যাত্ৰীৰ দেহত ক’ভিড পজিটিভ। চিন্তিত হৈ পৰিছে ৰাজ্যৰ স্বাস্থ্য বিভাগ।