ড্ৰাগছৰ বিৰুদ্ধে অভিযান অব্যাহত আছে আৰক্ষী-প্ৰশাসনৰ ৷ গোপন সূত্ৰৰ পম খেদি এইবাৰ হোজাই জিলাত চলিল অভিযান। ডবকা চহৰৰ ১নং ৱাৰ্ডত ডবকা আৰক্ষী আৰু হোজাই জিলা আৰক্ষীৰ ক্ৰাইম ব্ৰান্সৰ অভিযান ৷ অভিযানত তিনিটা চাবোনৰ বাকচত ৮৮ গ্ৰাম হেৰইন জব্দ ৷ লগতে এহাল দম্পতীক আটক ৷ ধৃত লোক দুজন ফাৰুক হুছেইন আৰু আছিয়া বেগম ৷ দুয়োৰে ঘৰ ডবকা আৰক্ষী থানাৰ অন্তৰ্গত হালধীআটীত ৷ জব্দ কৰা হেৰইনখিনিৰ অনুমানিক বজাৰ মূল্য ৫০ হাজাৰ টকা বুলি জানিব পৰা গৈছে ৷ ড্ৰাগছখিনি কৰপৰা কাক বিক্ৰী কৰিবলৈ আনিছিল সেই সন্দৰ্ভত অনুসন্ধান অব্যাহত ৰাখিছে আৰক্ষীয়ে। সম্প্ৰতি দুয়োকে ডবকা থানাত আৰু অধিক তথ্যৰ বাবে মাৰাথান জেৰা অব্যাহত ৰাখিছে আৰক্ষীয়ে ৷
