জনপ্ৰিয় কৌতুক অভিনেতা ৰাজু শ্ৰীবাস্তৱৰ দেহাৱসান। দিল্লীৰ এইমছত চিকিৎসাধীন অৱস্থাত মৃত্যু ঘটে ৰাজু শ্ৰীবাস্তৱৰ। মৃত্যুৰ সময়ত ৰাজু শ্ৰীবাস্তৱৰ বয়স হৈছিল ৫৮ বছৰ। হৃদৰোগাক্ৰান্ত হৈ বিগত ৪২ দিনে ICUত আছিল ৰাজু।
উল্লেখ্য যে, ৰাজু শ্ৰীবাস্তৱৰ প্ৰকৃত নাম সত্যপ্ৰকাশ শ্ৰীবাস্তৱ। গজোধৰ নামেৰেও অনুৰাগীসকলৰ মাজত জনপ্ৰিয় আছিল ৰাজু। উত্তৰ প্ৰদেশৰ কানপুৰত ১৯৬৩ৰ ২৫ ডিচেম্বৰত জন্মগ্ৰহণ কৰিছিল ৰাজুৱে।
হৃদ ৰোগত আক্ৰান্ত হৈ যোৱা ১০ আগষ্টৰ পৰা এইমছত চিকিৎসাধীন আছিল ৰাজু শ্ৰীবাস্তৱ। অভিনেতাজনৰ মৃত্যুত দেশৰ সাংস্কৃতিক জগতত শোকৰ ছাঁ পৰিছে।
