উদ্ভাৱক উদ্ধৱ ভৰালীৰ বিৰুদ্ধে যৌন শোষণৰ অভিযোগ

এইবাৰ যৌন শোষণৰ অভিযোগ উত্থাপিত হৈছে পদ্মশ্ৰী সন্মানপ্ৰাপ্ত ৰাজ্যৰ এজন বিজ্ঞানী তথা উদ্ভাৱক উদ্ধৱ ভৰালীৰ বিৰুদ্ধে। লখিমপুৰৰ এটা শিশু গৃহৰ পৰা আনি এগৰাকী কিশোৰীক দীৰ্ঘদিন ধৰি যৌন নিৰ্যাতন চলোৱাৰ অভিযোগ উত্থাপিত হৈছে উদ্ধৱ ভৰালীৰ বিৰুদ্ধে। যোৱা ১৭ ডিচেম্বৰত ৰুজু হৈছিল গোচৰ। ২৮ ডিচেম্বৰতে অন্তৱৰ্তী জামিন লাভ কৰে অভিযুক্ত বিজ্ঞানীজনে। POCSO আইনৰ অধীনত ৰুজু কৰা গোচৰৰ কেচ ডায়েৰী অহা ৭ জানুৱাৰীত দাখিল কৰিবলৈ নিৰ্দেশ দিয়া হৈছে। উল্লেখ্য যে ২০২০ৰ আগষ্টত লখিমপুৰৰ এটা শিশু গৃহৰ পৰা এবছৰৰ বাবে এগৰাকী কিশোৰীক তুলি লৈছিল ভৰালীয়ে। কিন্তু নিৰ্ধাৰিত সময় উকলি যোৱাৰ পিছতো নৱীকৰণ কৰা হোৱা নাছিল এই কিশোৰীগৰাকীৰ গ্ৰহণ চুক্তি।