ঈদৰ দিনটোতে ত্ৰিপুৰাত অবাঞ্চিত পৰিস্থিতি। গো হত্যাক কেন্দ্ৰ কৰি তীব্ৰ উত্তেজনা। উত্তৰ জিলাৰ দক্ষিণ শনিছড়া অঞ্চলত এই ঘটনা। স্থানীয় জনৈক ইউনিছ মিঞাৰ ঘৰত বধ কৰা হৈছিল গৰু। গো হত্যাৰ খবৰ পাই ঘটনাস্থলীলৈ গৈছিল আন্তঃৰাষ্ট্ৰীয় হিন্দু সেনাৰ কাৰ্যকৰ্তা। লগত আছিল আৰক্ষীৰ দল। আৰক্ষীয়ে জব্দ কৰি লৈ আহিছিল বধ কৰা গৰুটো। ইয়াৰ পিছতেই হিন্দু সেনাৰ ওপৰত চলে আক্ৰমণ। হিন্দু সেনাৰ সদস্যৰ ৮খন বাইক ভাঙি লণ্ডভণ্ড কৰাৰ অভিযোগ। ঘটনাস্থলীত উপস্থিত হৈ আৰক্ষী অধীক্ষক ড০ কিৰণ কুমাৰে সমগ্ৰ ঘটনাৰ বুজ লৈছে।
