দলং ভাঙি নৈত সোমাল ১০খনকৈ বাহন

ভিয়েটনামত বিধ্বংসী ঘূৰ্ণি বতাহ য়াগীৰ প্ৰভাৱ। চকুৰ সন্মুখতে খহি পৰিল বৃহৎ দলং। দলঙৰ সৈতে তলত পৰিল এখন ট্ৰাক। কেৱল সেয়াই নহয়, দলং খহি পৰাত নৈত বাগৰি পৰে কমেও ১০খনকৈ গাড়ী। সোমবাৰে পুৱা ভিয়েটনামৰ ফুথো প্ৰদেশত সংঘটিত হয় এই ঘটনা। এই দুৰ্ঘটনাৰ পিছতে সন্ধানহীন ১৩ জনকৈ লোক। মুহূৰ্ততে নিশ্চিহ্ন হৈ পৰে ৩৭৫ মিটাৰ দৈৰ্ঘৰ দলঙখন। য়াগীৰ প্ৰভাৱত দেশখনত মৃত্যু হয় কমেও ৮২জন লোকৰ। ঘৰ-দুৱাৰ, যান-বাহন, দলং, গছ-গছনি উৰুৱাই নিয়ে য়াগীয়ে।