অৰুণাচলত তৃতীয়বাৰৰ বাবে বিজেপিৰ চৰকাৰ

অৰুণাচলৰ অপ্ৰতিৰুদ্ধ বিজেপি। নিৰংকুশ সংখ্যাগৰিষ্ঠতাৰে পুনৰ অৰুণাচলত তৃতীয়বাৰৰ বাবে বিজেপিৰ চৰকাৰ গঠন। যোৱা ১৯ এপ্ৰিলত লোকসভা নিৰ্বাচনৰ লগতে অনুষ্ঠিত হৈছিল অৰুণাচল প্ৰদেশ বিধানসভাৰ নিৰ্বাচন। অৰুণাচল প্ৰদেশত বিধানসভা আসনৰ সংখ্যা ৬০খন যদিও বিনা প্ৰতিদ্বন্দ্বিতাৰে নিৰ্বাচিত হয় বিজেপিৰ ১০ জনকৈ প্ৰাৰ্থীয়ে। মুখ্যমন্ত্ৰী পেমা খাণ্ডু, উপমুখ্যমন্ত্ৰী চাওনামিনসহ ১০গৰাকী প্ৰাৰ্থী নিৰ্বাচনৰ পূৰ্বেই বিনাপ্ৰতিদ্বন্বিতাৰে জয়ী হয়। বাকী ৫০ খন আসনত অনুষ্ঠিত হোৱা নিৰ্বাচনৰ ভোটগণনা দেওবাৰে অনুষ্ঠিত হয়। বিধানসভাৰ মুঠ ৬০খন আসনৰ ভিতৰত ৪৬ খন আসনত জয়লাভ কৰি বিজেপিয়ে ৰাজ্যখনত পুনৰ ক্ষমতালৈ প্ৰত্যাৱৰ্তন কৰে। ইয়াৰ লগে লগে ৩য় বাৰৰ বাবে মুখ্যমন্ত্ৰীৰ আসনত অধিস্থিত হোৱাৰ পথ প্ৰশস্ত হৈ পৰে পেমা খাণ্ডুৰ বাবে। দেওবাৰে ঘোষিত ফলাফল অনুসৰি অৰুণাচলত মাত্ৰ ১খন আসনতে সন্তুষ্ট থাকিব কংগ্ৰেছ। NCPয়ে ৩ খন, NPP ৫খন আৰু PPAৰ দুখন আসনত জয় লাভ। অৰুণাচলত ৩খন আসনত জয় লাভ নিৰ্দলীয় প্ৰাৰ্থীৰ। বিগত নিৰ্বাচনতকৈ এইবাৰ অৰুণাচলত বৃদ্ধি পালে বিজেপিৰ ৫খন আসন। উল্লেখ্য যে ২০১৯ৰ নিৰ্বাচনত বিজেপিয়ে ৪১খন আসনত জয়লাভ কৰাৰ লগতে ৩খনত বিনা প্ৰতিদ্বন্দ্বিতাৰে বিজয়ী হৈছিল। বিপুল সংখ্যক ভোটেৰে পুনৰ বিজেপিক জয় কৰোৱাৰ বাবে ৰাজ্যবাসীক ধন্যবাদ জ্ঞাপন মুখ্যমন্ত্ৰী পেমা খাণ্ডুৰ। ঐতিহাসিক জয়ৰ বাবে অৰুণাচলবাসীক কৃতজ্ঞতা জ্ঞাপন প্ৰধানমন্ত্ৰী নৰেন্দ্ৰ মোদীৰো।

LEAVE A REPLY

Please enter your comment!
Please enter your name here

Popular

More like this
Related

সম্পন্ন হ’ল বিশ্বজুৰি চৰ্চা লাভ কৰা অনন্ত আম্বানী-ৰাধিকা মাৰ্চেণ্টৰ বিয়া

শুকুৰবাৰে সম্পন্ন হ’ল বিশ্বজুৰি চৰ্চা লাভ কৰা অনন্ত আম্বানী-ৰাধিকা...

ফটো উঠিবলৈ গৈ নদীত পিছলি পৰিল ছাত্ৰ, বৰ্তমানেও সন্ধানহীন

ফটোৱেই কাল হ'ল এজন ছাত্ৰৰ। ফুৰিবলৈ গৈ ছ'চিয়েল মিডিয়াত...

গামোছাত স্বাক্ষৰ কৰি লাভলিনালৈ শুভেচ্ছা অসমৰ মুখ্যমন্ত্ৰী ড॰ হিমন্ত বিশ্ব শৰ্মাৰ

পেৰিছ অলিম্পিকত অসম কন্যাৰ সফলতাৰ কামনাৰে অসম বক্সিং সন্থাৰ...

পুৰণি আখেজৰ বাবেই যুৱকৰ দলৰ ভয়ংকৰ কাণ্ড

ডিব্ৰুগড়ৰ আলুবাৰীত সংঘটিত হল চাঞ্চল্যকৰ হত্যাকাণ্ড। পুৰণি আখেজৰ বাবে...