আজি দিল্লীত ৰাষ্ট্ৰীয় মৰ্যাদাৰে সম্পন্ন হ’ব CDS জেনেৰেল বিপিন ৰাৱাটৰ শেষকৃত্য। ৩ সেনাৰ কান্ধ পাতি লোৱা ৰাৱটৰ পত্নীৰো সম্পন্ন হ’ব অন্ত্যেষ্টিক্ৰিয়া। বিয়লি ৪ বজাত ৰাৱাটসহ তেওঁৰ পত্নীক অন্ত্যেষ্টিক্ৰিয়া।
পুৱা ১১ বজাৰ পৰা ১২.৩০ বজালৈ সাধাৰণ লোকে জনাব শ্ৰদ্ধাঞ্জলি। শ্ৰদ্ধাঞ্জলি অনুষ্ঠানত ভাগ ল’ব তিনি দেশৰ সেনা অধিকাৰীয়ে। নেপাল, ভূটান আৰু শ্ৰীলংকাৰ শীৰ্ষ সেনা মূৰব্বীয়ে ভাগ ল’ব শ্ৰদ্ধাঞ্জলি অনুষ্ঠানত। ১২.৩০ বজাৰ পৰা ১.৩০ বজালৈ সেনা বিষয়াসকলে জনাব শেষ শ্ৰদ্ধাঞ্জলি।
উল্লেখ্য যে বুধবাৰে তামিলনাডুৰ কুনুৰত সংঘটিত হৈছিল সেনাৰ ভয়ংকৰ হেলিকপ্টাৰ দুৰ্ঘটনা। যি দুৰ্ঘটনাত বিপিন ৰাৱট, তেওঁৰ পত্নী, সেনা বিষয়াসহ মুঠ ১৩জনে হেৰুৱাইছিল প্ৰাণ।
