এজনো পাছ নকৰা চৰকাৰী বিদ্যালয়লৈ কাৰণ দৰ্শোৱাৰ জাননী

একাংশ বিদ্যালয়ৰ হাইস্কুল শিক্ষান্ত, হাই মাদ্ৰাছা পৰীক্ষাৰ ফলাফলক লৈ উদ্বিগ্ন শিক্ষা বিভাগ। ৰাজ্যৰ ২৫খন বিদ্যালয়ত উত্তীৰ্ণ হোৱা নাই এজনো ছাত্ৰ-ছাত্ৰী। ১০ শতাংশতকৈও কম সংখ্যক ছাত্ৰ-ছাত্ৰী উত্তীৰ্ণ হৈছে ৭০খন বিদ্যালয়ত। ০ ফলাফল প্ৰদৰ্শন কৰা বিদ্যালয়লৈ কাৰণ দৰ্শোৱাৰ জাননী মাধ্যমিক শিক্ষা সঞ্চালকালয়ৰ। ডিব্ৰুগড়ৰ ছাত্ৰী কল্যাণ ছোৱালী উচ্চ ইংৰাজী বিদ্যালয়ৰ প্ৰধান শিক্ষকলৈ কাৰণ দৰ্শোৱাৰ জাননী। সদ্য ঘোষিত ফলাফলত এজনো ছাত্ৰ-ছাত্ৰী উত্তীৰ্ণ হোৱা নাই বিদ্যালয়খনত। সাত দিনৰ ভিতৰত কাৰণ দৰ্শোৱাৰ জাননী জাৰি কৰা হৈছে প্ৰধান শিক্ষকলৈ। অন্যথা চাকৰিৰ পৰা অব্যাহতি দিয়া হ’ব প্ৰধান শিক্ষকক।