একেদিনাই অসমত ৭জন আক্ৰান্ত ক’ভিডত, পুনৰ ভয়াৱহ হ’ব নেকি পৰিস্থিতি?

অসমত পুনৰ বৃদ্ধি পাইছে ক’ভিড সংক্ৰমণ। যোৱা ২৪ ঘণ্টাত অসমত ৭জন লোকৰ দেহত পোৱা গৈছে ক’ভিড। লক্ষ্য়ণীয়ভাবে কোকৰাঝাৰত ৪জনকৈ লোকৰ দেহত পোৱা গৈছে ক’ভিড। তাৰ বিপৰীতে কামৰূপ(ম)ত ৩জন লোক আক্ৰান্ত হৈছে কভিডত। ২৪ ঘণ্টাত মুঠ ৪৪৩জন লোকে ক’ভিড পৰীক্ষা কৰিছিল। ইয়াৰে ৭জন লোকক ক’ভিড পজিটিভ পোৱা গৈছে। অসমত আৰোগ্যৰ হাৰ হৈছে ৯৮.৮৯ শতাংশ। অৱশ্যে যোৱা ২৪ ঘণ্টাত কোনো লোকৰ মৃত্যু হোৱা নাই।