মহানগৰীৰ হোটেল এপল’ গ্ৰেণ্ডত গুৰুত্বপূৰ্ণ আলোচনা চক্ৰ ৷ অষ্ট্ৰেলিয়া চৰকাৰৰ প্ৰতিনিধিৰ সৈতে ইণ্ডিজিনিয়াছ চেম্বাৰচ্ অৱ কমাৰ্চ এণ্ড ইণ্ডাষ্ট্ৰীজ চমুকৈ (ICCI)ৰ বৈঠক। অসমৰ ব্যৱসায়িক দিশটোক কেনেদৰে আগুৱাই নিব পাৰি সেই বিষয়ত অষ্ট্ৰেলিয়ান চৰকাৰৰ প্ৰতিনিধিৰে আলোচনা ICCIৰ।
পৰ্যটন ক্ষেত্ৰকে ধৰি শিক্ষা আৰু পশুপালনৰ ক্ষেত্ৰখনৰ বিষয়ে বিসদভাৱে আলোচনা কৰা হয় এই বৈঠকত। বৈঠকত উপস্থিত অষ্ট্ৰেলিয়াৰ ডেনিয়েল চিম, এঞ্জেলিনা নায়াৰ, অষ্ট্ৰেলিয়ান ৰাজনৈতিক বিভাগৰ হাই কমিছনাৰ মিচ খান। লগতে উপস্থিত থাকে প্ৰাক্তন আৰক্ষীৰ শীৰ্ষ বিষয়া পল্লৱ ভট্টাচাৰ্য, আলোচনা পন্থী আলফা নেতা অনুপ চেতিয়া, দিলীপ শৰ্মাকে ধৰি বহু গণ্য মান্য ব্যক্তি। এই ক্ষেত্ৰত সকলোৰে সহায় সহযোগিতা বিচাৰিছে ICCIয়ে।