বুধবাৰে পুৱা ৫ বজাৰে পৰা ৰাজ্যত প্ৰযোজ্য হ’ব নতুন SOP। কামৰূপ মহানগৰ জিলাক বাদ দি অন্যান্য জিলাসমূহত ক্ষেত্ৰত আন্তঃজিলা যাতায়াত যথেষ্ট শিথিল। স্বাস্থ্যমন্ত্ৰী কেশৱ মহন্তই মঙলবাৰে প্ৰকাশ কৰিলে নতুন ক’ভিড SOP।
- গুৱাহাটীৰ পৰা বাহিৰলৈ যাব নোৱাৰিব আপুনি
- বাহিৰৰ পৰা গুৱাহাটীলৈও আহিব নোৱাৰিব আপুনি
- ৰাজ্যজুৰি আৰু এঘণ্টা শিথিল হ’ব সান্ধ্য আইন
- সন্ধিয়া ৬ বজালৈ খুলিব পাৰিব দোকান-পোহাৰ, অনুষ্ঠান-প্ৰতিষ্ঠান
- কামৰূপ(মঃ) জিলাক বাদ দি আন জিলাসমূহৰ ক্ষেত্ৰত প্ৰযোজ্য নিয়ম
- ব্যক্তিগত বাহনেৰে আন্তঃজিলা যাতায়াতত অনুমতি
- ৰাজহুৱা পৰিবহণ, যাত্ৰী পৰিবাহী বাহনত বাহাল থাকিব নিষেধাজ্ঞা
- কামৰূপ(মঃ) জিলাৰ পৰা অন্য জিলালৈ আৰু অন্য জিলাৰ পৰা কামৰূপ(মঃ)লৈ আহিব নোৱাৰিব
- যুগ্ম-অযুগ্ম দুয়োটা সংখ্যাৰ বাহনে চলাব পাৰিব আপুনি
- MBBSৰ চূড়ান্ত বৰ্ষ, BSc নাৰ্ছিঙৰ চূড়ান্ত বৰ্ষ, ইঞ্জিনীয়াৰিঙৰ চূড়ান্ত বৰ্ষ, GNMৰ তৃতীয় বৰ্ষৰ পাঠদান হ’ব
- দুয়োপালি ক’ভিড ভেকচিন লোৱা শিক্ষাৰ্থীকহে শ্ৰেণীকোঠালৈ অহাৰ অনুমতি
- ৰিজ’ৰ্ট, হোটেল, ধাবাসমূহ ৫০% গ্ৰাহকেৰে সন্ধিয়া ৬ বজালৈ খোলা ৰাখিব পাৰিব
- বন্ধ থাকিব চিনেমা হল
- বিবাহ, সকাম আদি অনুষ্ঠানত ভাগ ল’ব পাৰিব সৰ্বাধিক ২৫জনে
- কামাখ্যা মন্দিৰ তথা ঐতিহ্যপূৰ্ণ স্থানত প্ৰতি ঘণ্টাত ২০জন লোক প্ৰৱেশ কৰিব পাৰিব
- ধৰ্মীয় স্থানত সৰ্বাধিক ১০জন লোকে অংশগ্ৰহণ কৰিব পাৰিব
- বিমানবন্দৰত দুয়োপালি ক’ভিড ভেকচিন লোৱা যাত্ৰীয়ে নালাগে ক’ভিড পৰীক্ষা কৰিব
- নামঘৰসমূহত নাম-কীৰ্তনত অংশ ল’ব পাৰিব ৫০% ভক্তই
- এপালি ক’ভিড ভেকচিন লোৱা চৰকাৰী বিষয়া-কৰ্মচাৰীও আহিব লাগিব কাৰ্যালয়লৈ
