চি বি এছ ই অৰ্থাৎ কেন্দ্ৰীয় মাধ্যমিক শিক্ষা ব’ৰ্ডৰ ৰাষ্ট্ৰীয় জিমনাষ্টিকছ প্ৰতিযোগিতাত স্বৰ্ণপদক অৰ্জন কৰিছে অসমৰ তানিছি বচাকে । তেওঁ ১১ বছৰ অনূৰ্ধ্ব বেলেন্সিং বীম শাখাত প্ৰতিদ্বন্দ্বিতা কৰি এই সাফল্য অৰ্জন কৰে ।
মহাৰাষ্ট্ৰৰ আহমেদনগৰত যোৱা ২ ৰ পৰা ৫ নবেম্বৰত অনুষ্ঠিত হৈছিল এই ৰাষ্ট্ৰীয় প্ৰতিযোগিতা । তেওঁৰ প্ৰশিক্ষক হ’ল প্ৰাক্তন জিমনাষ্টিকছ খেলুৱৈ অমৰ নাথ । গুৱাহাটী জালুকবাৰী নিবাসী পূৰবী বচাক আৰু প্ৰদীপ বচাকৰ কন্যা তানিছিয়ে আজাৰাৰ ছেইণ্ট জোছেফ ইংলিছ স্কুলত পঞ্চম শ্ৰেণীত অধ্যয়ন কৰি আছে ।
তানিছি হ’ল গুৱাহাটী ভৰলুমুখৰ অমৰ জিমনাষ্টিকছ ক’চিং চেণ্টাৰৰ নিয়মীয়া প্ৰশিক্ষাৰ্থী । উল্লেখ্য যে তানিছিয়ে প্ৰতিদ্বন্দ্বিতা কৰা শাখাত সমগ্ৰ দেশৰ ২০০ গৰাকী প্ৰতিযোগীয়ে অংশগ্ৰহণ কৰিছিল ।
