অসম আৰু অৰুণাচল প্ৰদেশৰ মাজত প্ৰায় ৮০৪ কিলোমিটাৰ ৰ্দৈঘ্যৰ সীমা আছে আৰু ইয়াত ভালেকেইটা বিবদমান অঞ্চল আছে। অসম-অৰুণাচল প্ৰদেশৰ মাজত থকা সীমা বিবাদৰ স্থায়ী সমাধানৰ বাবে দুয়োখন ৰাজ্যৰ মুখ্যমন্ত্ৰীয়ে শ্ৰীঘ্ৰেই দ্বিতীয় পৰ্যায়ৰ আলোচনা অনুষ্ঠিত কৰাৰ সম্ভাৱনা আছে।
অৰুণাচল প্ৰদেশৰ মুখ্যমন্ত্ৰী পেমা খাণ্ডুৱে কৈছে যে, “মই মুখ্যমন্ত্ৰী হিমন্ত বিশ্ব শৰ্মাৰ সৈতে সকলো সীমা সমস্যা স্থায়ী সমাধানৰ বাবে প্ৰতিশ্ৰুতিবদ্ধ। মুখ্যমন্ত্ৰী শৰ্মাৰ সৈতে আন্তঃৰাজ্যিক সীমা সমস্যাৰ স্থায়ী সমাধান সম্ভৱ বুলিও তেওঁ কয়। লগতে তেওঁ আৰু কয় যে, অসমৰ মুখ্যমন্ত্ৰী হিমন্ত বিশ্ব শৰ্মাৰ সক্ৰিয় সমৰ্থনত সমস্যাটো সমাধানৰ বাবে প্ৰথম পৰ্যায়ৰ বৈঠক ইতিমধ্যে অনুষ্ঠিত হৈছে। দ্বিতীয় পৰ্যায়ৰ আলোচনা অহা কেইদিনৰ ভিতৰতে অনুষ্টিত হ’ব বুলিও তেওঁ কয়।
