এইবাৰ বহিঃৰাজ্যৰ নহয়, বাহিৰৰ দেশৰ দুষ্কৃতিকাৰী সোমাইছে দেশত! ম্যানমাৰৰ অবৈধ নাগৰিক সোমাই আহিছে অৰুণাচললৈকে। ভাৰতৰ ভূখণ্ডত ম্যানমাৰৰ নাগৰিকে অবৈধভাৱে কৰিছে কৃষি।
এইসমূহ বগা বগা ফুল ফুলি থকা দৃশ্য দেখি আপুনি অনুমান কৰিব পাৰিছেনে এয়া কিহৰ খেতি? প্ৰথমে জানি লওক অৰুণাচল প্ৰদেশৰ চাংলাং জিলাৰ ভাৰত ম্যানমাৰ সীমান্ত border pillar no. 172ৰ সমীপৰ দৃশ্য এয়া। সীমান্তৰ লুংভি আৰু লুংকাহ গাঁৱৰ কাষতে এনেদৰে বিস্তীৰ্ণ অঞ্চলত এই খেতিৰ গছবোৰ এতিয়া লহপহকৈ বাঢ়িছে। ভাল খবৰ নহয়, মাৰাত্মক, নিষিদ্ধ কানি খেতি কৰিছে অবৈধ নাগৰিকে। ৩ হেক্টৰ ভূমিত লহপহকৈ বাঢ়িছে বিষাক্ত কানিৰ গছ
এই তথ্য লাভ কৰাৰ লগে লগে assam rifles, অৰুণাচলৰ নামপঙ থানা আৰক্ষীৰ এটা বৃহৎ দলে সীমান্তৰ দুৰ্গম অঞ্চলটিত অভিযান চলায় আৰু উক্ত পপী খেতিখিনি ধ্বংস কৰিবলৈ সক্ষম হয়। উল্লেখ্য যে একাংশ ম্যানমাৰৰ নাগৰিকে ভাৰতৰ ভূখণ্ডত গোপনে প্ৰৱেশ কৰি ৩ হেক্টৰ মাটিত এই নিষিদ্ধ আৰু মাৰাত্মক পপী শস্যৰ খেতি কৰিছিল, যি পৰৱৰ্তী সময়ত ৰূপান্তৰ কৰিলেহেঁতেন কানি ব্যৱসায়লৈ। এতিয়া প্ৰশ্ন হয়, বিদেশীৰ গোপন প্ৰৱেশ, ভাৰতৰ ভূখণ্ডৰ এটা অঞ্চলত ৩ হেক্টৰ ধৰি নিষিদ্ধ কানিৰ খেতি, এইবোৰ কেনেকৈ সম্ভৱ? আন দেশৰ সৈতে কূটনৈতিক সম্পৰ্ক ভালে ৰাখিবলৈকে প্ৰধানমন্ত্ৰীয়ে সময়ে সময়ে বিদেশ ভ্ৰমণ কৰি থকাৰ পিছতো এই অবৈধ আগ্ৰাসন কিহৰ লক্ষণ? সময় থাকোঁতেই ইয়াৰ প্ৰতিৰোধ অতি প্ৰয়োজনীয়।
