গুৱাহাটী, ২ জুলাই, NKTV: সৰুৰে পৰা ড্ৰামচেট বজাই ভাল পোৱা এগৰাকী যুৱতী। ক’ভিড পৰিস্থিতিৰ পৰিপ্ৰেক্ষিতত চৰম আৰ্থিক সংকটত ভুগিছে দৰং ওদালগুৰি সীমামূৰীয়া মিছা হাতখোলা পূৱ বগৰিবাৰী গাঁৱৰ এটি দৰিদ্ৰ পৰিয়াল। জীৱনত স্বাধীন ভাৱে জীয়াই থাকি নিজৰ ভৰিত নিজে থিয় দি আগবাঢ়িব খোজা দৰিদ্র পৰিয়ালটোৰ কন্যা উপমা ডেকাই শিল্প সাধনাৰ লগতে নিজৰ আৰু পৰিয়ালৰ উপাৰ্জনৰ সম্বল হিচাপে আগবাঢ়ি এতিয়া ক’ভিড পৰিস্থিতিৰ বাবে থমকি ৰ’ব লগা হৈছে। ফলত উপমাৰ বেণ্ড পাৰ্টি শিল্পী সকলৰ লগতে উপমাৰ পৰিয়াল মাজলৈ নামি আহিছে আৰ্থিক সংকট। ক’ভিড মহামাৰীৰ এই সময়ছোৱাত উপমাৰ দৰে গ্ৰামাঞ্চলৰ শিল্পী সকলক সকাহ দিবলৈ চৰকাৰক আহ্বান জনাইছে উপমাই।
