অৰিজিত সিং, নামেই যাৰ পৰিচয়। তেওঁৰ চিনাকি দিবলৈ সুকীয়া বিশেষণৰ প্ৰয়োজন নাই। দেশে-বিদেশে অগণন অনুৰাগী আছে তেওঁৰ। কেতিয়াবা যদি অনুৰাগীক সংগীতেৰে মুহিছে, কেতিয়াবা মুহিছে নিজৰ কামেৰে। কেৱল গায়ক হিচাপেই নহয়, এজন ভাল মানুহ হিচাপেও অগণন লোকে আন্তৰিকতাৰে ভালপাই অৰিজিত সিঙক।
পুনৰ অনুৰাগীক আপ্লুত কৰিলে অৰিজিতে। শেহতীয়াকৈ সাধাৰণ লোকৰ বাবে এটা ডাঙৰ উদ্যোগ লৈছে অৰিজিত সিঙে। সাধাৰণ লোকে খাদ্য গ্ৰহণ কৰিব পৰাকৈ জনপ্ৰিয় কণ্ঠশিল্পীজনে খুলিছে এখন ৰেস্তোৰাঁ। তেওঁৰ ৰেস্তোৰাঁত মাত্ৰ ৪০ টকাত উপলব্ধ বিভিন্ন সুস্বাদু খাদ্য
মুৰ্ছিদাবাদৰ জিয়াগঞ্জত নিজৰ শৈশৱ পাৰ কৰিছে অৰিজিত সিঙে। বিশ্ববিখ্যাত হোৱাৰ পিছতো তেওঁ এৰি যোৱা নাই নিজৰ জন্মস্থান। অৰিজিতৰ বাবেই বিশ্ববাসীৰ মাজত পৰিচিত হৈছে জিয়াগঞ্জ নামৰ সৰু চহৰখন। সম্প্ৰতি নিজৰ অঞ্চলতে এখন ৰেস্তোৰাঁ খুলিছে অৰিজিত সিঙে। তেওঁৰ ৰেস্তোৰাঁখনৰ নাম ‘হেচেল’। ‘হেচেল’ত মাত্ৰ ৪০ টকাতে পেট ভৰাই আহাৰ গ্ৰহণ কৰিব পাৰিব সকলোৱে। অৰিজিতৰ ৰেস্তোৰাঁখনৰ মূল লক্ষ্য ঘৰুৱা ৰন্ধন প্ৰণালীৰ পৰিৱেশন।
কণ্ঠশিল্পীজনৰ বাসগৃহৰ একেবাৰে সমীপতে খোলা হৈছে ৰেস্তোৰাঁখন। পিতৃ গুৰুদয়াল সিঙৰ তত্বাৱধানতে চলিছে ৰেস্তোৰাঁখনৰ কাম-কাজ। অঞ্চলটোৰ ছাত্ৰ-ছাত্ৰী সকলৰ প্ৰতি লক্ষ্য ৰাখিয়েই ৰেস্তোৰাঁখনত উপলব্ধ কৰা হৈছে ৪০ টকীয়া থালীখন।
