সংগীতজ্ঞ এ আৰ ৰহমানৰ জীয়ৰীৰ শুভ পৰিণয়। ৰহমানৰ কন্যা খাতিজা ৰহমানে ছাউণ্ড ইঞ্জিনীয়াৰ ৰিয়াদিন শঈক মহম্মদৰ সৈতে বিবাহপাশত আবদ্ধ হয়। খাতিজাই বিয়াৰ পিছতে ইনষ্টাগ্ৰামত বিয়াৰ ফটো কোলাজ প্ৰকাশ কৰিছিল য’ত বিয়াৰ কেইবাখনো ফটো প্ৰকাশ কৰিছিল।
২৯ ডিচেম্বৰৰ বাগদানৰ সময়তো মুখত মাস্ক পৰিধান কৰি আছিল খাতিজাই। খাতিজা ৰহমানে বিয়াত গহনা আৰু মালাৰ সৈতে গুলপীয়া আৰু ৰূপালী ৰঙৰ পোছাক পিন্ধিছিল। ২৯ ডিচেম্বৰৰ বাগদানত একে ৰঙৰ মাস্ক পিন্ধিছিল। বিয়াৰ অনুষ্ঠানৰ স্বামীৰ ফটো পোষ্ট কৰাৰ পৰিৱৰ্তে নিজৰ বাগদত্তাৰ এখন ক’লা আৰু বগা ফটোহে প্ৰকাশ কৰিছে।
পোষ্টটো শ্বেয়াৰ কৰি খাতিজাই লিখিছে, “সৰ্বশক্তিমানৰ আশীৰ্বাদত, আপোনালোকক জনাওঁ যে, এজন উচ্চাকাংক্ষী উদ্যোগী আৰু এজন উইজকিড অডিঅ’ অভিযন্তাৰ সৈতে মোৰ জীৱন উচৰ্গা কৰি আনন্দিত হৈছো। মোৰ জন্মদিনৰ দিনা ২৯ ডিচেম্বৰত ঘনিষ্ঠ পৰিয়াল আৰু প্ৰিয়জনৰ উপস্থিতিত এই বাগদান সম্পন্ন হৈছে। উল্লেখ্য যে, প্ৰায়ে হিজাব পৰিধান কৰা সংগীতজ্ঞগৰাকীৰ কন্যাই ডুবাইৰ এক অনুষ্ঠানত গীত পৰিৱেশন কৰি সকলোৰে হৃদয় জিনিছিল।
