তালিবানৰ অধিগ্ৰহণে আফগানিস্তানত কেইবাটাও মানৱীয় সংকটৰ সৃষ্টি কৰিছে, যাৰ ভিতৰত আটাইতকৈ ক্ষতিগ্ৰস্ত হৈছে স্বাস্থ্যখণ্ড। বিশ্ব স্বাস্থ্য সংস্থাই শনিবাৰে এক বিবৃতি জাৰি কৰি আফগানিস্তানৰ স্বাস্থ্য সেৱা পৰিস্থিতিৰ ওপৰত এক সতৰ্কতাৰ সৃষ্টি কৰে কৰে, য’ত সংঘৰ্ষই অগণন লোকক ভোক আৰু ৰোগৰ সন্মুখীন কৰি তোলাৰ ভয়ংকৰ তথ্য পোহৰলৈ আহিছে। বিশ্ব স্বাস্থ্য সংস্থাৰ প্ৰতিবেদন অনুসৰি, আফগানিস্তানৰ জনসংখ্যাৰ প্ৰায় আধা, য’ত চাৰি নিযুতৰো অধিক মহিলা আৰু প্ৰায় ১০ নিযুত শিশু আছে। যি সকলক বৰ্তমান মানৱীয় সহায়ৰ আৱশ্যক।
তথ্য অনুসৰি, ৰাষ্ট্ৰসংঘৰ অন্তৰ্গত সংস্থাটোৰ মুখপাত্ৰ তাৰিক জাচাৰেভিচে এক বিবৃতিত কয় যে আফগানিস্তানত বৰ্তমান এক ভয়ংকৰ পৰিস্থিতিৰ সূচনা হোৱাৰ সম্ভাৱনা আছে। “সমগ্ৰ দেশতে কোনো বাধা অবিহনে স্বাস্থ্য সেৱাৰ ধাৰাবাহিকতা অব্যাহত থাকিব লাগিব, মহিলাসকলে মহিলা স্বাস্থ্য কৰ্মীৰ প্ৰৱেশাধিকাৰ নিশ্চিত কৰাৰ ওপৰত গুৰুত্ব দিব লাগিব,” বিশ্ব স্বাস্থ্য সংস্থাৰ মুখপাত্ৰগৰাকীয়ে কয়। স্বাস্থ্য কৰ্মীসকলক মহিলা স্বাস্থ্য কৰ্মচাৰীসহ তেওঁলোকৰ কামলৈ ঘূৰি আহিবলৈ আহ্বান জনোৱা হৈছে।
লক্ষণীয়ভাৱে, আমেৰিকা যুক্তৰাষ্ট্ৰই কৈছে যে তেওঁলোকে তালিবানৰ পৰা পলায়ন কৰি দেশলৈ অহা আফগান শৰণাৰ্থীসকলক ক’ভিড-১৯ৰ ভেকছিন প্ৰদান কৰিব। ইংলেণ্ড, স্কটলেণ্ড আৰু ৱেলছেও আফগানসকলক আশ্ৰয় আৰু জৰুৰীকালীন পুঁজিৰ যোগান ধৰিছে, প্ৰতিবেদনত কোৱা হৈছে যে এতিয়ালৈকে ইউকে-য়ে অঞ্চলটোত ইয়াৰ মানৱীয় সাহায্যৰ পৰিমাণ দুগুণ কৰাৰ সিদ্ধান্ত লৈছে। দেশখনে এক নতুন পুনৰ্সংস্থাপন কাৰ্যসূচীৰ অধীনত প্ৰায় ২০,০০০ দুৰ্বল আফগানক পুনৰ সংস্থাপন কৰিব বিচাৰিছে।
