যোৰহাট নগৰত ভয়ংকৰ দুৰ্ঘটনা। নগৰখনৰ বৰুৱা চাৰিআলিত এজোপা প্ৰকাণ্ড গছ অকস্মাতে বাগৰি পৰাত ৩গৰাকী পথচাৰী গুৰুতৰভাবে আহত হৈছে। ইয়াৰে এগৰাকী মহিলাক সংকটজনক অৱস্থাত যোৰহাট চিকিৎসা মহাবিদ্যালয় হাস্পতালত ভৰ্তি কৰোৱা হৈছে। কোনো বিশেষ ধুমুহা-বতাহ নহাকৈয়ে বৃহৎ গছজোপা বাগৰি পৰাত এই ভয়ংকৰ দুৰ্ঘটনাত আচম্বিত হৈ পৰিছে স্থানীয় ৰাইজ। আজি ঈদৰ বাবে যোৰহাট নগৰৰ মাজমজিয়াত মানুহৰ সমাগম কম আছিল। অন্যথা ভয়ংকৰ ঘটনাৰ সূত্ৰপাত ঘটিলেহেঁতেন বুলি আশংকা প্ৰকাশ কৰিছে ৰাইজে। বন বিভাগৰ দায়িত্ব জ্ঞানহীনতাৰ বাবেই আজি যোৰহাটত এই ভয়ংকৰ দুৰ্ঘটনাত সংঘটিত হোৱাৰ অভিযোগ ৰাইজৰ।
