মুখ্যমন্ত্ৰীৰ নিৰ্দেশত বান্দা ভ্ৰমণলৈ যোৱাৰ সময়তে অঘটন। তৃণমূল পৰ্যায়ত চৰকাৰী কামকাজৰ খতিয়ান লোৱাৰ উদ্দেশ্যে যোৱাৰ সময়তে এগৰাকী মন্ত্ৰীক কামুৰিলে নিগনিয়ে। উত্তৰ প্ৰদেশৰ ক্ৰীড়া আৰু যুৱ কল্যাণ মন্ত্ৰী গিৰীশ চন্দ্ৰ যাদৱ এক অনাহুত পৰিস্থিতিৰ সন্মুখীন হ’ব লগা হয়। নিগনিয়ে কামুৰাৰ পিছতে অসুস্থ হৈ পৰাত ততালিকে ভৰ্তি কৰোৱা হয় হাস্পতালত। উত্তৰ প্ৰদেশৰ মাওৱাই বাইপাছৰ কাষত থকা আৱৰ্ত ভৱনত নিশা কটাইছিল মন্ত্ৰীগৰাকীয়ে। শেষ নিশা তেওঁক হঠাতে কিবা এটাই হাতত কামোৰা বুলি অনুভৱ কৰে আৱৰ্ত ভৱনত। পিছত সোঁহাতত এন্দুৰ জাতীয় কিবা প্ৰাণীয়ে কামোৰা দাগ দেখা পায়। মুখ্যমন্ত্ৰী যোগী আদিত্যনাথৰ নিৰ্দেশ পালন কৰিবলৈ গৈ সন্মুখীন হোৱা এনে পৰিস্থিতিয়ে চাঞ্চল্যকৰ সৃষ্টি কৰিছে উত্তৰ প্ৰদেশত।
