কলিয়াবৰত সংঘটিত হৈছে এক চাঞ্চল্যকৰ ঘটনা। প্ৰেম প্ৰত্যাখান কৰাৰ বাবেই যুৱতী-পিতৃ-মাতৃক ছুৰীকাঘাত যুৱকৰ। কলিয়াবৰ মহকুমাৰ পূৱ-শোৱালনীত সংঘটিত হৈছে এই ভয়ংকৰ ঘটনা। আমবাগান কোলিডুঙাৰ ৰাজীৱ দাসৰ বিৰুদ্ধে আক্ৰমণৰ অভিযোগ। ৰাজীৱৰ প্ৰেমৰ প্ৰস্তাৱ বাৰে বাৰে প্ৰত্যাখান কৰি আহিছিল যুৱতীয়ে। পুনৰ প্ৰেমৰ প্ৰস্তাৱ প্ৰত্যাখান কৰাৰ পাছত নিশা প্ৰায় ৯-৩০ মান বজাত ৰাজীৱ দাসে হাতত ছুৰী লৈ যুৱতীগৰাকীৰ ঘৰলৈ গৈ যুৱতীগৰাকীৰ লগতে পিতৃ-মাতৃক আক্ৰমণ কৰে। ছুৰীকাঘাতত গুৰুতৰভাৱে আহত হয় তিনিওজন। আহত যুৱতী-পিতৃ-মাতৃক জখলাবন্ধাস্থিত মহকুমা চিভিল হাস্পতালত প্ৰাথমিক চিকিৎসা কৰোৱা হয়। পিছত উন্নত চিকিৎসাৰ বাবে তিনিওকে তেজপুৰ মেডিকেল কলেজ হাস্পতাললৈ প্ৰেৰণ কৰা হয়। বৰ্তমান পলাতক অৱস্থাত আছে ৰাজীৱ দাস।
