কাজিৰঙাৰ ৰঙাজানত সংঘটিত ভয়ংকৰ পথ দুৰ্ঘটনাক লৈ গভীৰ শোক প্ৰকাশ কৰিছে মুখ্যমন্ত্ৰী হিমন্ত বিশ্ব শৰ্মাই। সামাজিক মাধ্যমযোগে মুখ্যমন্ত্ৰীগৰাকীয়ে দুৰ্ঘটনাত প্ৰাণ হেৰুওৱা লোকসকলৰ পৰিয়ালবৰ্গলৈ সমবেদনা জ্ঞাপন কৰাৰ লগতে সমগ্ৰ অসম তেওঁলোকৰ দুখৰ সময়ত কাষত থকাৰ কথা প্ৰকাশ কৰে।
মুখ্যমন্ত্ৰীয়ে কয় যে বৰ্তমান চৰকাৰৰ প্ৰধান অগ্ৰাধিকাৰ হৈছে আহতসকলক পলম নকৰাকৈ উন্নত চিকিৎসা প্ৰদান কৰা। মন্ত্ৰী অতুল বৰা ঘটনাস্থলীত উপস্থিত থাকি উদ্ধাৰ আৰু সাহায্য অভিযানৰ ব্যৱস্থা তদাৰক কৰি আছে।
উল্লেখ্য যে, যোৰহাটৰ পৰা আহি থকা এখন যাত্ৰীবাহী ট্ৰেভেলাৰ আৰু এখন কণ্টেইনাৰৰ মাজত মুখামুখি সংঘৰ্ষৰ ফলত এই শোকাৱহ দুৰ্ঘটনা সংঘটিত হয়। প্ৰায় ৩৫ গৰাকী যাত্ৰী থকা ট্ৰেভেলাৰখনত কলেজীয়া শিক্ষাৰ্থীও আছিল বুলি জানিব পৰা গৈছে।
প্ৰাথমিক তথ্য অনুসৰি, ২৩ জন লোক নিহত হৈছে। ইয়াৰে ১১ জনক যোৰহাট চিকিৎসা মহাবিদ্যালয়লৈ প্ৰেৰণ কৰা হৈছে। অৱশ্যে মৃত্যুৰ সঠিক সংখ্যা এতিয়াও নিশ্চিত হোৱা নাই।
