পুনৰ হ্ৰাস পালে সোণৰ দাম! জানি লওক ২৪, ২২ আৰু ১৮ কেৰেটৰ নতুন দাম

সোণ ক্ৰয় কৰিবলৈ পৰিকল্পনা কৰি থকা লোকসকলৰ বাবে কিছু সকাহৰ খবৰ। শুকুৰবাৰে (১৩ নৱেম্বৰ, ২০২৬) দেশৰ বজাৰত পুনৰ হ্ৰাস পাইছে সোণৰ মূল্য। ২৪ কেৰেট সোণৰ প্ৰতি গ্ৰামত ১৩১ টকা, ২২ কেৰেট সোণৰ প্ৰতি গ্ৰামত ১২০ টকা আৰু ১৮ কেৰেট সোণৰ প্ৰতি গ্ৰামত ৯৮ টকাকৈ মূল্য হ্ৰাস পাইছে।

Goodreturnsৰ তথ্য অনুসৰি, শুকুৰবাৰে দেশত ২৪ কেৰেট সোণৰ প্ৰতি গ্ৰামৰ মূল্য ১৩,৮৪৯ টকা, ২২ কেৰেট সোণৰ মূল্য ১২,৬৯৫ টকা আৰু ১৮ কেৰেট সোণৰ মূল্য ১০,৩৮৭ টকালৈ হ্ৰাস পাইছে।

দেশৰ ডাঙৰ চহৰসমূহত সোণৰ নতুন মূল্য

১৩ নৱেম্বৰৰ হিচাপ অনুসৰি দেশৰ কেইবাখনো প্ৰধান চহৰত সোণৰ মূল্যৰ বিৱৰণ এনেধৰণৰ—

গুৱাহাটীত কিমান সোণৰ দাম?

গুৱাহাটীৰ বজাৰত ১৩ নৱেম্বৰত সোণৰ মূল্যৰ ক্ষেত্ৰত বিভিন্ন মূল্য-তথ্যৰ ৱেবছাইটত কিছু পাৰ্থক্য দেখা গৈছে। Goodreturnsৰ তথ্য অনুসৰি, ২৪ কেৰেট সোণৰ প্ৰতি গ্ৰামৰ মূল্য ১৩,৮৪৯ টকা, ২২ কেৰেটৰ ১২,৬৯৫ টকা আৰু ১৮ কেৰেটৰ ১০,৩৮৭ টকা। আনহাতে, LiveMintৰ তথ্যত ক্ৰমে ১৩,৭৭৯ টকা, ১২,৬২১ টকা আৰু ১০,৩৩৪ টকা দেখুওৱা হৈছে। সেয়েহে ক্ৰয় কৰাৰ পূৰ্বে স্থানীয় গহনা ব্যৱসায়ীৰ পৰা সেই সময়ৰ সঠিক মূল্য নিশ্চিত কৰাটো প্ৰয়োজনীয়।

কিয় হ্ৰাস পাইছে সোণৰ দাম?

আমেৰিকা আৰু ইৰাণৰ মাজত উত্তেজনাৰ ফলত খাৰুৱা তেলৰ মূল্য বৃদ্ধি পোৱাটো সোণৰ দাম হ্ৰাসৰ অন্যতম কাৰণ। তেলৰ মূল্য বৃদ্ধিয়ে বিশ্বজুৰি মুদ্ৰাস্ফীতিৰ আশংকা বৃদ্ধি কৰিছে। ইয়াৰ ফলত আমেৰিকাৰ ফেডাৰেল ৰিজাৰ্ভে সুতৰ হাৰ অধিক সময়লৈ উচ্চ পৰ্যায়ত ৰখাৰ সম্ভাৱনা সৃষ্টি হৈছে।

সাধাৰণতে সুতৰ হাৰ অধিক হ’লে সোণৰ দৰে কোনো সুত প্ৰদান নকৰা সম্পদৰ প্ৰতি বিনিয়োগকাৰীৰ আকৰ্ষণ হ্ৰাস পাব পাৰে। ইয়াৰ উপৰি বিনিয়োগকাৰীৰ সোণ বিক্ৰীৰ প্ৰৱণতাইও বজাৰত মূল্য হ্ৰাসৰ চাপ বৃদ্ধি কৰিছে।

উল্লেখ্য যে, ওপৰত উল্লেখ কৰা মূল্যসমূহ কেৱল সোণৰ মৌলিক বজাৰ মূল্য। গহনা ক্ৰয় কৰাৰ সময়ত ইয়াৰ সৈতে মেকিং চাৰ্জ, GST আৰু প্ৰযোজ্য অন্যান্য কৰ সংযোজন হ’ব পাৰে। সেয়েহে গহনা ক্ৰয় কৰাৰ পূৰ্বে বিশুদ্ধতা, হলমাৰ্ক আৰু চূড়ান্ত বিলৰ মূল্য ভালদৰে পৰীক্ষা কৰাটো জৰুৰী।

Author: NKTV Digital