দিন-দুপৰতে ডিব্ৰুগড়ৰ ৰাজগড়ত ডকাইতি! জুৱেলাৰ্ছৰ সন্মুখৰ পৰাই ১০ লক্ষাধিক টকাৰ সোণ, নগদ ধন লুটি উধাও দুৰ্বৃত্ত

টিংখাঙৰ ৰাজগড়ত পুৱাই সংঘটিত চাঞ্চল্যকৰ দিন-দুপৰীয়া ডকাইতিৰ ঘটনাই সমগ্ৰ অঞ্চলটোত আতংকৰ সৃষ্টি কৰিছে। ৰাজগড়ৰ মাজমজিয়াত থকা শ্ৰী সন্তোষী জুৱেলাৰ্ছৰ সন্মুখৰ পৰাই দুটা দুৰ্বৃত্তই লুটি নিয়ে ১০ লক্ষাধিক টকাৰ সোণৰ আ-অলংকাৰসহ নগদ ধন।

জানিব পৰা মতে, জুৱেলাৰ্ছখনৰ স্বত্বাধিকাৰী শিৱশংকৰ শ্বাহে পুৱা প্ৰায় ৮.৩০ বজাত দোকান খুলিবলৈ অহাৰ সময়তে এই ঘটনা সংঘটিত হয়। বাইকত অহা হেলমেট পৰিহিত দুটা দুৰ্বৃত্তই মুহূৰ্ততে তেওঁৰ হাতৰ পৰা বেগ কাঢ়ি লৈ পলায়ন কৰে।

বেগটোত আছিল প্ৰায় ৫০-৬০ হাজাৰ নগদ টকা, ১০ লক্ষাধিক টকাৰ সোণৰ আ-অলংকাৰ, দোকানৰ লকাৰৰ চাবি আৰু গুৰুত্বপূৰ্ণ হিচাপৰ বহী। আকস্মিক আক্ৰমণত হতভম্ব হৈ পৰা স্বত্বাধিকাৰীগৰাকীয়ে ‘চোৰ, চোৰ’ বুলি চিঞৰি দুৰ্বৃত্তক খেদি যায় যদিও দুৰ্বৃত্ত দুটা বাইকেৰে পলায়ন কৰিবলৈ সক্ষম হয়।

ঘটনা সন্দৰ্ভত ভুক্তভোগী শিৱশংকৰ শ্বাহে ইতিমধ্যে ৰাজগড় আৰক্ষী চকীত এজাহাৰ দাখিল কৰিছে। সমগ্ৰ লুটপাতৰ দৃশ্য চিচিটিভি কেমেৰাত বন্দী হৈছে। চিচিটিভি ফুটেজৰ ভিত্তিত আৰক্ষীয়ে দুৰ্বৃত্তক চিনাক্ত কৰাৰ চেষ্টা চলাইছে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...