APL নিলামত সৰ্বাধিক দামী খেলুৱৈৰূপে পৰিগণিত হয় ডেনিছ দাস

অসম ক্ৰিকেট সন্থাই প্ৰথমবাৰৰ বাবে আয়োজন কৰিব লগা অসম প্ৰিমিয়াৰ লীগ [এ পি এল] ৰ খেলুৱৈ নিলাম দেওবাৰে গুৱাহাটীত অনুষ্ঠিত হয়৷ অতি ৰোমাঞ্চকৰ এই নিলামত বৰপেটা ব্ৰেভছে ১২.৬০ লাখ টকাৰে ক্ৰয় কৰে মাৰ্কি প্লেয়াৰ ডেনিছ দাসক৷ কাৰ্যতঃ ৰাজ্যৰ নিৰ্ভৰযোগ্য বেটাৰ ডেনিছে প্ৰথম এপিএলৰ সবাতোকৈ দামী খেলুৱৈৰূপে পৰিগণিত হয়৷

ইফালে, মাৰ্কি খেলুৱৈসকলৰ নিলামত উইকেটকক্ষক বেটাৰ সুমিত ঘাদিগাঁওকাৰক ১২.২০ লাখ টকাত চৰাইদেউ ছানৰাইজাৰ্ছে নিজৰ দলত অন্তৰ্ভুক্ত কৰায়৷ আনহাতে, অভিজ্ঞ বেটাৰ শিৱশংকৰ ৰয়ক বৰাক লিজেণ্ডছে ১২ লাখ টকাত ক্ৰয় কৰে৷ ইফালে, আয়ুষ্মান মালাকাৰ আৰু অলৰাউণ্ডাৰ স্বৰূপম পুৰকায়স্থ নিলামৰ শীৰ্ষ পাঁচজন ক্ৰিকেটাৰৰ ভিতৰত থাকে৷ দুই মাৰ্কি খেলুৱৈক তেজপুৰ টাইটানছ আৰু যোৰহাট ষ্টেলিয়নে ক্ৰমে ১১.৮০ লাখ টকাকৈ দি ক্ৰয় কৰে৷

গুৱহাটীৰ বৰ্ষাপাৰাস্থিত এ চি এ ষ্টেডিয়াম চৌহদৰ ‘৯১ য়াৰ্ডছ ক্লাব’ৰ পেক্ষাগৃহত হোৱা এই নিলামত বৰাক লিজেণ্ডছে মাৰ্কি খেলুৱৈ আব্দুল আজিজক ৮.৪০ লাখ টকা তথা ভাৰ্গব প্ৰতিমক ৫.২০ লাখ টকাত দলত ল’বলৈ সক্ষম হয়৷ ইফালে, ডেনিছক লোৱা বৰপেটা ব্ৰেভছে সৌৰভ দিহিঙীয়াক ৭.৮০ লাখ টকাৰ বিনিময়ত ক্ৰয় কৰাৰ বিপৰীতে ডিব্ৰুগড় ৱাৰিয়ৰ্ছে সাহিল জৈনক ৭.২০ লাখ আৰু জিতুমণি কলিতাক ৬.২০ লাখ টকাত দলত অন্তৰ্ভুক্ত কৰে৷ তেজপুৰ দলে সাত লাখত ক্ৰয় কৰে আকাশ সেনগুপ্তাক৷ আনহাতে, পেচ বলাৰ মুক্তাৰ হুছেইনক গুৱাহাটী ৰয়েলছে ৩.২০ লাখত দলত লয়৷ একে ধন খৰছ কৰি ৰাহুল সিঙক ক্ৰয় কৰে নগাঁও ৰেঞ্জাৰ্ছ দলে৷

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...