ডুবাইৰ এমিৰেটছ ৰোডত সোমবাৰে সংঘটিত হয় এক ভয়াৱহ দুৰ্ঘটনা। পথৰ মাজত ৰৈ থকা এখন ট্ৰাকত পিছফালৰ পৰা প্ৰচণ্ড খুন্দা এখন মিনিবাছৰ। দুৰ্ঘটনাত প্ৰাণ হেৰুৱালে ৭জনকৈ লোকে। নিহতসকলৰ ভিতৰত কেইবাজনো ভাৰতীয় শ্ৰমিক থকাৰ তথ্য পোৱা গৈছে। এই দুৰ্ঘটনাত গুৰুতৰভাৱে আহত হয় ৯জনকৈ লোক। ইয়াৰে ৫জনৰ অৱস্থা সংকটজনক। আহতসকলক ততাতৈয়াকৈ চিকিৎসালয়ত ভৰ্তি কৰোৱা হয়।
প্ৰাথমিক তদন্ত অনুসৰি, যান্ত্ৰিক বিজুতিৰ বাবে ৰাস্তাৰ মাজত ৰৈ থকা এখন ট্ৰাকৰ পিছফালে খুন্দা মাৰে শ্ৰমিক কঢ়িওৱা মিনিবাছখনে। ডুবাইস্থিত ভাৰতীয় দূতাবাসে ঘটনাটোত গভীৰ শোক প্ৰকাশ কৰিছে। লগতে আহত আৰু নিহতৰ পৰিয়ালক সকলো ধৰণৰ সহায় আগবঢ়োৱাৰ কথা জানিবলৈ দিছে।
ডিজিটেল ডেস্ক | প্ৰাঞ্জলজ্যোতি গগৈ
