ৰাছিয়াৰ পৰা তেল ক্ৰয় বন্ধ কৰাৰ সন্দৰ্ভত ভাৰতে একো কোৱা নাই; ট্ৰাম্পৰ দাবীক লৈ প্ৰশ্ন উত্থাপন কৰিছে ৰাছিয়াই

ৰাছিয়াৰ পৰা তেল ক্ৰয় বন্ধ কৰাৰ বিষয়ে ভাৰতৰ পৰা কোনো বাৰ্তা অহা নাই। মঙলবাৰে ক্ৰেমলিনে এই দাবী কৰিছে।

ক্ৰেমলিনৰ মুখপাত্ৰ দিমিত্ৰি পেশকভে কয় যে, ‘‘নতুন দিল্লীৰ সৈতে কৌশলগত অংশীদাৰিত্ব গঢ়ি তোলাৰ ক্ষেত্ৰত মস্কো সদায়েই আগ্ৰহী।’’ তেওঁ লগতে কয় যে, ‘‘ৰাছিয়াই ভাৰতৰ সৈতে থকা সম্পৰ্কক সদায় মূল্যৱান বুলি গণ্য কৰে আৰু দ্বিপাক্ষিক কৌশলগত অংশীদাৰিত্ব আগুৱাই নিয়াৰ বাবে প্ৰতিশ্ৰুতিবদ্ধ।’’

এই প্ৰসংগত উল্লেখ্য যে, মাৰ্কিন যুক্তৰাষ্ট্ৰৰ ৰাষ্ট্ৰপতি ড’নাল্ড ট্ৰাম্পৰ চৰকাৰে বিগত বছৰৰ আগষ্ট মাহৰ আৰম্ভণিতে ৰাছিয়াৰ পৰা তেল ক্ৰয় কৰি ইউক্ৰেইনৰ বিৰুদ্ধে যুদ্ধত সহায় কৰাৰ অভিযোগ তুলি ভাৰতীয় পণ্যৰ ওপৰত ৫০ শতাংশ শুল্ক (জৰিমনাসহ) আৰোপ কৰিছিল। তথাপিও ভাৰতে ৰাছিয়াৰ পৰা ধাৰাবাহিকভাৱে তেল ক্ৰয় কৰি আহিছে।

ট্ৰাম্প চৰকাৰৰ অভিযোগ আছিল যে, ভাৰতৰ তেল ক্ৰয়ৰ বাবেই ৰাছিয়াই ইউক্ৰেইনৰ বিৰুদ্ধে যুদ্ধ চলাই ৰখাৰ বাবে ধন লাভ কৰিছে। কিন্তু বিভিন্ন পৰিসংখ্যাত দেখা গৈছে যে, ৰাছিয়াৰ তেল ক্ৰয়ৰ সমালোচনা কৰা দেশসমূহে নিজেই ৰাছিয়াৰ সৈতে বাণিজ্যত লিপ্ত হৈ আছে।

ভাৰতৰ বিদেশ মন্ত্ৰালয়ে পৰিসংখ্যা উল্লেখ কৰি জনাইছে যে, ২০২৪ চনত ইউৰোপীয় ইউনিয়ন আৰু ৰাছিয়াৰ মাজত প্ৰায় ৬৭,৫০০ কোটি ইউৰো (প্ৰায় ১৮ লাখ ৩২ হাজাৰ কোটি টকা) দ্বিপাক্ষিক বাণিজ্য হৈছে, যিটো ভাৰত-ৰাছিয়াৰ মুঠ বাণিজ্যতকৈ বহু বেছি। লগতে ২০২৪ চনত ইউৰোপে ৰাছিয়াৰ পৰা প্ৰাকৃতিক গেছৰ আমদানি ১৬৫ লাখ টনলৈ বৃদ্ধি কৰিছে,  যিটো ২০২২ চনৰ ৰেকৰ্ডকো অতিক্ৰম কৰিছে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...