অবিৰত শ্ৰীমদ্ভাগৱত পাঠ আৰু বাৰ্ষিক ভাওনা সমাৰোহৰ আয়োজন

ডিব্ৰুগড় জিলাৰ ইটাখুলি শিঙৰী মায়ামৰা বৈষ্ণৱ বৰনামঘৰৰ উদ্যোগত আৰু ইটাখুলি শিঙৰী অৰুণোদয় যুৱক সংঘৰ বিশেষ সহযোগত অহা ২৬, ২৭ আৰু ২৮ জানুৱাৰীত তিনিদিনীয়া বৰ্ণাঢ্য কাৰ্যসূচীৰে অবিৰত শ্ৰীমদ্ভাগৱত পাঠ আৰু বাৰ্ষিক ভাওনা সমাৰোহৰ আয়োজন কৰা হৈছে। অঞ্চলটোৰ ভক্তপ্ৰাণ ৰাইজৰ আতিথ্যত আয়োজিত এই ধৰ্মীয় অনুষ্ঠানে এতিয়া সমগ্ৰ অঞ্চলটোতে এক আধ্যাত্মিক পৰিৱেশৰ সূচনা কৰিছে।

কাৰ্যসূচী অনুসৰি ২৬ জানুৱাৰীত অবিৰত শ্ৰীমদ্ভাগৱত পাঠ অনুষ্ঠানৰ শুভাৰম্ভ কৰা হ’ব। উক্ত অনুষ্ঠানত উদ্বোধনী ভাষণ প্ৰদান কৰিব অসমৰ প্ৰখ্যাত ভাগৱত ব্যাখ্যাকাৰ তথা নাৰায়ণপুৰৰ (লক্ষীমপুৰ) জগত বণিয়া বাপজনাই।

উৎসৱৰ অন্তিম দিনা অৰ্থাৎ ২৮ জানুৱাৰীৰ সন্ধিয়া এক সাংস্কৃতিক সন্ধিয়াৰ আয়োজন কৰা হৈছে। নিশা ৭ বজাৰ পৰা প্ৰদৰ্শিত হ’ব ধৰ্মীয় নাট “ৰাম পৰাজয়, সীতাৰ পাতাল গমন আৰু লৱণ দৈত্য বধ”। ভাওনা উদ্বোধন কৰিব অসম ভাওনা সমাৰোহ সমিতিৰ সভাপতি প্ৰদীপ গগৈয়ে। ভাওনা আৰম্ভ হোৱাৰ পূৰ্বে ইটাখুলি শিঙৰী গাঁৱৰ আইমাতৃসকলৰ দ্বাৰা দিহানাম পৰিৱেশন কৰা হ’ব। এই দিহানাম দলটোৰ নেতৃত্ব দিব ডিব্ৰুগড়ৰ অনাতাঁৰ শিল্পী তথা ৰাজ্যিক পৰ্যায়ৰ ‘শ্ৰেষ্ঠ নামতী’ বঁটাপ্ৰাপ্ত ৰেখা দাসে।

উদযাপন সমিতিয়ে এই ধৰ্মীয় তথা সাংস্কৃতিক অনুষ্ঠানত অঞ্চলটোৰ সমূহ ধৰ্মপ্ৰাণ ৰাইজৰ উপস্থিতি আৰু সক্ৰিয় সহযোগিতা আন্তৰিকতাৰে কামনা কৰিছে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...