এইবাৰ ভাৰতত নিৰ্মাণ হ’ব ৰাফেলৰ ‘হামাৰ’! ফ্ৰান্সৰ সৈতে যৌথ উদ্যোগত ক্ষেপণাস্ত্ৰ উৎপাদনৰ চুক্তি স্বাক্ষৰ

যুঁজাৰু বিমানৰ পিছত এতিয়া নতুন দিল্লী আৰু পেৰিছে একেলগে ক্ষেপণাস্ত্ৰ নিৰ্মাণৰ কাম আৰম্ভ কৰিছে। ভাৰত ইলেক্ট্ৰনিকছ লিমিটেড (বি ই এল) আৰু ফ্ৰান্সৰ কোম্পানী ছাফ্ৰান ইলেক্ট্ৰনিকছ এণ্ড ডিফেন্স (এছ এ ডি ই)ৰ যৌথভাৱে হামাৰ মিছাইল উৎপাদনৰ চুক্তি স্বাক্ষৰিত হৈছে।

প্ৰতিৰক্ষা মন্ত্ৰালয়ৰ এক সূত্ৰই দাবী কৰিছে যে, প্ৰধানমন্ত্ৰী নৰেন্দ্ৰ মোদীৰ ‘মেক ইন ইণ্ডিয়া’ আৰু ‘আত্মনিৰ্ভৰ ভাৰত’ শ্লোগান কাৰ্যকৰী কৰাৰ দিশত এয়া এক গুৰুত্বপূৰ্ণ পদক্ষেপ হ’ব। যিয়ে ঘৰুৱা প্ৰতিৰক্ষাৰ পদক্ষেপক আৰু অধিক শক্তিশালী কৰিব। ভাৰতীয় বায়ুসেনাৰ ৰাফেল যুদ্ধ বিমানে ব্যৱহাৰ কৰে এয়াৰ টু ছাৰ্ফেচ মিছাইল হামাৰ। এই ক্ষেপণাস্ত্ৰই জিপিএছ, ইনফ্ৰাৰেড বা লেজাৰ গাইডেন্স ব্যৱহাৰ কৰি স্থিৰ আৰু চলন্ত লক্ষ্যত আঘাত কৰিবলৈ সক্ষম।

৫০-৭০ কিলোমিটাৰ দূৰত্বৰ HAMMER (Highly Agile and Maneuverable Munition Extended Range) আধুনিক ট্ৰেকিং ব্যৱস্থাৰে সজ্জিত আৰু ইয়াত উচ্চ শক্তিৰ বিস্ফোৰক থাকে। এই ‘হাতুৰী’য়ে শত্ৰুৰ কঠিন কংক্ৰিটৰ বাংকাৰবোৰো ধ্বংস কৰিব পাৰে। ভাৰতীয় বায়ুসেনাৰ প্ৰয়োজনীয়তা পূৰণ কৰাৰ উপৰিও যৌথ উদ্যোগত নিৰ্মিত HAMMERক ভৱিষ্যতে ৰপ্তানি কৰিব পৰা যাব বুলি প্ৰতিৰক্ষা মন্ত্ৰালয়ৰ সূত্ৰটোৱে প্ৰকাশ কৰিছে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...