পেহেলগাম কাণ্ডৰ ‘ন্যায়’! ট্ৰাম্প প্ৰশাসনে ল’লে বিশেষ ব্যৱস্থা

আমেৰিকাই পেহেলগাম কাণ্ডৰ সৈতে জড়িত সন্ত্ৰাসবাদী সংগঠন ‘দ্য ৰেজিষ্টান্স ফ্ৰণ্ট’ বা টিআৰএফক বিদেশী সন্ত্ৰাসবাদী গোষ্ঠীৰ আখ্যা দিছে। ২২ এপ্ৰিলত জম্মু-কাশ্মীৰৰ পেহেলগামত হোৱা সন্ত্ৰাসবাদী আক্ৰমণৰ পিছত লস্কৰ-ঈ-তৈয়বাৰ এই ছায়া সংগঠনটোৱে দায়িত্ব স্বীকাৰ কৰিছিল। যদিও পিছত এখন বিবৃতিৰ জৰিয়তে সংগঠনটোৱে দাবী কৰে যে, তেওঁলোক পেহেলগাম আক্ৰমণৰ সৈতে জড়িত নাছিল।

বৃহস্পতিবাৰে আমেৰিকাৰ বিদেশ মন্ত্ৰণালয়ৰ তৰফৰ পৰা এখন বিবৃতি প্ৰকাশ কৰা হয়। এই প্ৰসংগত আমেৰিকাৰ বিদেশ সচিব মাৰ্কো ৰুবিঅ’ই কয়, “আজি আমেৰিকাৰ বিদেশ মন্ত্ৰণালয়ে ‘দ্য ৰেজিষ্টান্স ফ্ৰণ্ট’ক ‘বিদেশী সন্ত্ৰাসবাদী গোষ্ঠী’ আৰু ‘বিশেষ আন্তৰ্জাতিক সন্ত্ৰাসবাদী’ৰ তালিকাত অন্তৰ্ভুক্ত কৰিছে।” মাৰ্কিন বিদেশ মন্ত্ৰণালয়ৰ বিবৃতিত কোৱা হৈছে, “আমাৰ জাতীয় নিৰাপত্তাৰ স্বাৰ্থত আৰু পেহেলগামৰ ঘটনাত ট্ৰাম্পৰ ন্যায়বিচাৰৰ আশ্বাস সুনিশ্চিত কৰিবলৈ এই পদক্ষেপ গ্ৰহণ কৰা হৈছে।”

প্ৰসংগক্ৰমে, আমেৰিকাই বহু দিনৰ পৰা লস্কৰক এই দুয়োখন তালিকাত ৰাখিছে। এইবাৰ তেওঁলোকৰ ছায়া সংগঠনকো হোৱাইট হাউছে এই দুয়োখন তালিকাত অন্তৰ্ভুক্ত কৰিছে। আমেৰিকাৰ এই সিদ্ধান্ত প্ৰকাশ্যে ওলোৱাৰ পিছত ভাৰতে তাক স্বাগতম জনাইছে। আমেৰিকাৰ ভাৰতীয় দূতাবাসৰ তৰফৰ পৰা সামাজিক মাধ্যমত লিখা হৈছে, “এয়া সন্ত্ৰাসবাদৰ মোকাবিলাত ভাৰত আৰু আমেৰিকাৰ মাজত সহযোগিতা আৰু বুজাপৰাৰ আন এটা নিদৰ্শন।”

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...