গুৱাহাটী, ২২ জুন, NKTV: মুম্বাই আৰক্ষীয়ে মঙলবাৰে আদালতত দাখিল কৰা দ্বিতীয় অভিযোগপত্ৰত টিআৰপি (টেলিভিছন ৰেটিং পইণ্ট) কেলেংকাৰীৰ অভিযুক্ত হিচাপে জ্যেষ্ঠ সাংবাদিক অৰ্ণৱ গোস্বামী আৰু ৰিপাব্লিক গ্ৰুপৰ দুটা চেনেলৰ কিছু কৰ্মচাৰীৰ নাম উল্লেখ কৰিছে।
গোচৰটোৰ তদন্ত কৰি থকা আৰক্ষীৰ অপৰাধ চোৰাংচোৱা গোট (Crime Intelligence Unit (CIU)ৰ দ্বাৰা দণ্ডাধীশৰ আদালতত ১,৯১২ পৃষ্ঠাৰ অভিযোগপত্ৰ দাখিল কৰা হৈছিল।
ৰিপাব্লিক টিভিৰ মুখ্য সম্পাদক গোস্বামী আৰু ৰিপাব্লিক টিভি চেনেলটো পৰিচালনা কৰা এআৰজি আউটলাইৰ মিডিয়াৰ উপৰিও আৰক্ষীয়ে নতুন অভিযোগপত্ৰত Maha Movie channel, ৰিপাব্লিক নিউজ আৰু ৰিপাব্লিক ভাৰতৰ কেইজনমান কৰ্মচাৰীকে ধৰি আন পাঁচজন অভিযুক্তৰ নাম উল্লেখ কৰিছে।
যোৱা বছৰ নৱেম্বৰত দাখিল কৰা গোচৰটোৰ প্ৰথম অভিযোগপত্ৰখনত BARCৰ প্ৰাক্তন মুখ্য কাৰ্যবাহী বিষয়া পাৰ্থ দাসগুপ্তা আৰু ৰিপাব্লিক টিভিৰ মুখ্য কাৰ্যবাহী বিষয়া বিকাশ খানচান্দনীৰ নাম উল্লেখ কৰা হৈছিল।
