গুৱাহাটী, ২২ জুন, NKTV: অৰুণাচল প্ৰদেশৰ মুখ্যমন্ত্ৰী পেমা খাণ্ডু আৰু অসমৰ মুখ্যমন্ত্ৰী হিমন্ত বিশ্ব শৰ্মাই কিমিন সীমান্ত সমস্যা সমাধানৰ বাবে বৈঠকত মিলিত হ’ব। প্ৰতিবেদন অনুসৰি, অৰুণাচলৰ মুখ্যমন্ত্ৰীয়ে মুখ্যমন্ত্ৰী ড০ হিমন্ত বিশ্ব শৰ্মাক আদালতৰ বাহিৰত কিমিন সীমান্ত সমস্যা স্থায়ীভাৱে সমাধান কৰাৰ প্ৰস্তাৱ দিছে।
ইফালে, অৰুণাচল আৰু অসমৰ মাজৰ সীমা বিবাদ উচ্চতম ন্যায়ালয়ত বিচাৰাধীন। অৰুণাচলৰ মুখ্যমন্ত্ৰী খাণ্ডুৱে সংবাদমেলত কয়, “মই অসমৰ মুখ্যমন্ত্ৰী হিমন্ত বিশ্ব শৰ্মাক অসম-অৰুণাচল সীমা সমস্যা আদালতৰ বাহিৰত সমাধান কৰাৰ প্ৰস্তাৱ দিছো।”
“অসমৰ মুখ্যমন্ত্ৰীয়ে এই প্ৰস্তাৱটোত সন্মত হৈছে, আৰু তেওঁ আশ্বাস দিছিল যে সীমা সমস্যা সমাধানৰ বাবে বৈঠক অনুষ্ঠিত কৰাৰ আগতে তেওঁ ইয়াক ভালদৰে অধ্যয়ন কৰিব,” মুখ্যমন্ত্ৰী খাণ্ডুৱে কয়।