চন্দ্ৰযান-৫ অভিযানৰ বাবে কেন্দ্ৰীয় চৰকাৰে দিলে অনুমোদন

পুনৰ জোনবাইৰ বুকুলৈ মহাকাশযান পঠিয়াবলৈ সাজু হৈছে ISRO। চন্দ্ৰযান-৫ অভিযানৰ বাবে কেন্দ্ৰীয় চৰকাৰে দিলে অনুমোদন। ২০২৭ত ভাৰতীয় মহাকাশ গৱেষণা সংস্থাই চলাব চন্দ্ৰযান-৫ অভিযান। জোনবাইৰ পৃষ্ঠভূমিৰ অনুসন্ধানৰ বাবে চন্দ্ৰযান-৫এ নিব বৃহৎ আকাৰৰ ৰ’ভাৰ। চন্দ্ৰপৃষ্ঠৰ গৱেষণাত ব্যৱহৃত হ’ব ২৫০ কিলো ওজনৰ ৰ’ভাৰ। ২০০৮ চনত প্ৰথমবাৰলৈ আয়োজিত হৈছিল চন্দ্ৰযান-১ অভিযান। চন্দ্ৰযান-৩ৰ কালত চন্দ্ৰৰ দক্ষিণ মেৰুত অৱতৰণ কৰিছিল লেণ্ডাৰ বিক্ৰম। ২০২৪ত ISROএ পাইছিল চন্দ্ৰযান-৪ৰ অভিযানৰ অনুমোদন। ২০২৮ চনত মহাকাশলৈ নিক্ষেপিত হ’ব চন্দ্ৰযান-৪ৰ বাবে মহাকাশযান। ভাৰতৰ চন্দ্ৰযান-৪ আৰু চন্দ্ৰযান-৫ অভিযানত সহযোগ কৰিব জাপানে। ISROৰ অধ্যক্ষ ভি নাৰায়ণনে সদৰি কৰিলে চন্দ্ৰযান-৫ত কেন্দ্ৰৰ অনুমোদনৰ কথা।