বৰ্ণিৰ চিন্তুক নৃশংসভাবে হত্যা কৰিলে কোনে?

হাজোৰ বৰ্ণিত কান্দোনৰ ৰোল। বৰ্ণিৰ এজন ছাত্ৰৰ মৃতদেহ উদ্ধাৰ হল মুকালমুৱাৰ চুঙৰবড়ীত। ২ মাৰ্চৰ পৰা সন্ধানহীন হৈ আছিল এজন ছাত্ৰ। উচ্চতৰ মাধ্যমিকৰ চূড়ান্ত বৰ্ষৰ পৰীক্ষাত অৱতীৰ্ণ হৈছিল ছাত্ৰজন। সেই ছাত্ৰজনৰ ২ মাৰ্চৰ পৰাই কোনো সন্ধান নাছিল। বহু বিচাৰ-খোচাৰ কৰিও কোনো খবৰ পোৱা নাছিল পৰিয়ালৰ লোকে। শেষৰটো পৰীক্ষা দিয়াৰ পূৰ্বেই নোহোৱা হৈছিল চিন্তু। ইয়াকে লৈ কাষ চাপিছিল আৰক্ষীৰো। ১০ দিনৰ অন্তত উদ্ধাৰ মৃতদেহ। গাঁত খান্দি পুতি থোৱা অৱস্থাত উদ্ধাৰ মৃতদেহটো কিয় ঘটিল এই ঘটনা? কোনে কৰিলে এই কাম? আঁৰৰ ৰহস্য কি?

এই ঘটনাত মৃত ছাত্ৰজনৰ সম্পৰ্কীয় খুৰাক ছাদ্দাম হুছেইন জড়িত থকাৰ সন্দেহ। কিছুদিন পূৰ্বে ছাদ্দামে পলুৱাই নিছিল ছাত্ৰজনৰ মাতৃক। তাৰ পাছত পুনৰ মহিলাগৰাকীৰ ঘূৰি আহিছিল ঘৰলৈ। দ্বিতীয়বাৰলৈ পুনৰ পলাই যাবলৈ মহিলাগৰাকীক জোৰ কৰিছিল ছাদ্দামে। কিন্তু তেওঁ যোৱা নাছিল।

ঘটনা সংঘটিত হোৱাৰ পাছতে আৰক্ষীয়ে গ্ৰেপ্তাৰ কৰিছে অভিযুক্ত ছাদ্দাম আলীক। ছাদ্দামৰ স্বীকাৰোক্তিৰ ভিত্তিতেই উদ্ধাৰ কৰা হৈছে ছাত্ৰজনৰ মৃতদেহ। এই ঘটনাক লৈ এতিয়া তীব্ৰ চাঞ্চল্যৃ-উত্তেজনা সমগ্ৰ অঞ্চলত। ৰাইজে জ্বলাই দিলে অভিযুক্তৰ ঘৰ। দোষীৰ কঠোৰ শাস্তি দাবী তুলিছে সকলোৱে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...