ছেপ্টেম্বৰ মাহত ভাৰতীয় ফিল্ম ফেডাৰেচনে প্ৰকাশ কৰিছিল এক বিবৃতি। ২০২৫ত শ্ৰেষ্ঠ বিদেশী ভাষাৰ চলচ্চিত্ৰ শাখাত ‘লাপাতা লেডিজ’এ ভাৰতক প্ৰতিনিধিত্ব কৰিব বুলি প্ৰকাশ পাইছিল সেই বিবৃতিত। সেই খবৰটোৱে যথেষ্ট আনন্দিত কৰিছিল ভাৰতীয় চলচ্চিত্ৰপ্ৰেমীক। অক্টোবৰ মাহত আমেৰিকাত ছবিখনৰ প্ৰচাৰ আৰম্ভ কৰিছিল আমিৰ খান আৰু কিৰণ ৰাওৱে। শেহতীয়াকৈ লণ্ডনতো প্ৰদৰ্শিত হৈছিল ‘লাপাতা লেডিজ’। বিগত মাৰ্চ মাহত মুক্তিলাভ কৰিছিল কিৰণ ৰাও পৰিচালিত ছবিখন। ‘লাপাতা লেডিজ’ যথেষ্ট সমাদৰ লাভ কৰিছিল দৰ্শকৰ। সমালোচকেও প্ৰশংসাৰে উপচাই পেলাইছিল ‘লাপাতা লেডিজ’ক। বিদেশী দৰ্শকৰ উপযোগী হোৱাকৈ ‘লষ্ট লেডিজ’ নামেৰে নতুন নামাকৰণো কৰা হ’ল লাপাতা লেডিজক। ভাৰতৰ শ্ৰেষ্ঠ বিদেশী ভাষাৰ চলচ্চিত্ৰ শাখাত আনুষ্ঠানিকভাৱে প্ৰৱেশ কৰিছিল ‘লাপাতা লেডিজ’। কিন্তু শেহতীয়াকৈ আহিল এক দুখৰ খবৰ। আগন্তুক ৯৭ সংখ্যক অস্কাৰৰ বাবে ১০ টা শাখাত চৰ্টলিষ্ট ঘোষণা কৰে একাডেমী অৱ মোচন পিকচাৰ আৰ্টছ এণ্ড ছায়েঞ্চে। কিন্তু সেই তালিকাত নাম নাহিল ‘লাপাতা লেডিজ’ৰ। এই খবৰে দুখিত কৰিছে ভাৰতীয় চলচ্চিত্ৰপ্ৰেমীক। ২০২৪ৰ ১ মাৰ্চত ছবিগৃহত মুক্তিলাভ কৰিছিল ‘লাপাতা লেডিজ’। ভাৰতৰ গ্ৰাম্য পটভূমিত নিৰ্মিত ছবিখনত স্পষ্ট হৈছিল দুগৰাকী গাঁৱলীয়া কইনাৰ কাহিনী। শেহতীয়াকৈ লণ্ডনতো প্ৰদৰ্শিত হৈছিল ‘লাপাতা লেডিজ’।
