সম্পন্ন হ’ল বিশ্বজুৰি চৰ্চা লাভ কৰা অনন্ত আম্বানী-ৰাধিকা মাৰ্চেণ্টৰ বিয়া

শুকুৰবাৰে সম্পন্ন হ’ল বিশ্বজুৰি চৰ্চা লাভ কৰা অনন্ত আম্বানী-ৰাধিকা মাৰ্চেণ্টৰ বিয়া। মুম্বাইস্থিত জিঅ’ ৱৰ্ল্ড কনভেনচন চেণ্টাৰত আয়োজিত হ’ল মুকেশ আম্বানীৰ কণিষ্ঠ পুত্ৰৰ বহুপ্ৰত্যাশিত বিয়াখন। এই আড়ম্বৰপূৰ্ণ বিয়াখনৰ আয়োজনৰ বিষয়ে ইতিমধ্যে জ্ঞাত হৈছে বিশ্ববাসী। বিশ্বৰ বিভিন্ন ক্ষেত্ৰৰ নামী-দামী তাৰকাই অংশ ল’লে বিবাহৰ পূৰ্বৰ ভিন্ন অনুষ্ঠানত।

বিয়াৰ দিনটোত বিবাহথলীত উপস্থিত হাই-প্ৰফাইল নেতা-মন্ত্ৰী, তাৰকা। বিবাহথলীত উপস্থিত ভাৰতৰ প্ৰাক্তন ৰেলমন্ত্ৰী লালুপ্ৰসাদ যাদৱ। পত্নী ৰাৱৰী দেৱীও আহিল অনন্ত-ৰাধিকাৰ বিয়ালৈ। বিবাহথলীত বিশ্ববিখ্যাত ৰেচলাৰ জন চিনা। পৰিয়ালসহ জিঅ’ ৱৰ্ল্ড কনভেনচন চেণ্টাৰত ক্ৰিকেটৰ ভগৱান শচীন টেণ্ডুলকাৰ। ইপিনে সুকীয়া ষ্টাইলত বিবাহথলীত প্ৰৱেশ শ্বাহৰুখ খানৰ।

নিমন্ত্ৰণ ৰক্ষা কৰি অনন্ত-ৰাধিকাৰ বিয়াত উপস্থিত হ’লহি দক্ষিণৰ একাংশ হাই-প্ৰফাইল তাৰকা। পৰিয়ালসহ মুম্বাইত উপস্থিত মহেশ বাবু । অকলেই উপস্থিল হ’লহি অভিনেত্ৰী ৰশ্মিকা মন্দান্না। পত্নী উপাসনা আৰু কন্যাৰ সৈতে বিয়াত অংশগ্ৰহণ অভিনেতা ৰামচৰণৰ। ভগ্নী ক্ল’ কাৰ্দাছিয়ানৰ সৈতে বিবাহথলীত জনপ্ৰিয় আমেৰিকান মিডিয়া তাৰকা কিম কাৰ্ডাচিয়ান।

বিয়লি ৩ বজাত দেশী-বিদেশী অতিথিৰ সৈতে কইনা ৰাধিকা মাৰ্চেণ্টৰ ওচৰলৈ ৰাওনা হ’ল অনন্ত আম্বানীৰ বৰযাত্ৰী। গুজৰাটী ৰীতি-নীতিৰে সম্পন্ন হ’ল দুয়োৰে বিবাহ। নিশা ৮ বজাত হ’ল অনন্ত আৰু ৰাধিকাৰ জয়মালা অনুষ্ঠান। ১৩ জুলাইত শুভ আশীৰ্বাদৰ পাছত ১৪ জুলাইত অনুষ্ঠিত হ’ব অভ্যৰ্থনা অনুষ্ঠান।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...