প্ৰতিজন ভাৰতীয় মধ্যবিত্তৰ সংসাৰ এতিয়া অস্বাভাৱিক মূল্যবৃদ্ধিৰ বাবে হৈ পৰিছে নচলা। পুৱা উঠিয়েই শুনা যায় বাঢ়িল এইটো বস্তুৰ দাম, কাইলৈ বাঢ়িব সেইটো বস্তুৰ দাম। পেট্ৰ’লৰ দাম বৃদ্ধিৰ লগে লগে আজিৰ পৰা বৃদ্ধি পাব আন বহু সামগ্ৰীৰ দাম। দাম বৃদ্ধি পাব ঔষধ, গৃহ নিৰ্মাণ সামগ্ৰীৰ, ৰাসায়নিক সাৰৰ, পশু খাদ্য, শিশু খাদ্যৰ, ফ্ৰীজ, টিভি, মোবাইল ইত্যাদিকে ধৰি নিত্য ব্যৱহাৰ্য সকলো সামগ্ৰীৰ। আজিৰে পৰা ৰাজ্যত প্ৰতি ইউনিট বিদ্যুতত বৃদ্ধি পাব ৫৯ পইচা। দাম বৃদ্ধি পাব দুচকীয়া, চাৰিচকীয়া বাহনৰো। প্ৰতিজন ব্যক্তিৰ জীৱনযাত্ৰাত এই দাম বৃদ্ধিয়ে যথেষ্ট প্ৰভাৱ পেলাব। চাৰিওফালে হাহাকাৰ। সমান্তৰালকৈ বৃদ্ধি পালে ৰাজ্যৰ টোলগেটৰ মাচুলো।
