অসম এশিঙীয়া গঁড়ৰ বাবে পৃথিৱী বিখ্যাত। কাজিৰঙা, মানাহ, ওৰাঙৰ লগতে পবিতৰাতো গঁড় পোৱা যায়। গুৱাহাটীৰ সমীপতে অৱস্থিত বাবে অধিকাংশ লোকে সহজতে দৰ্শনৰ বাবে পচন্দ কৰে পবিতৰা। শেহতীয়াভাবে ওৰাং ৰাষ্ট্ৰীয় উদ্যানত গঁড়ৰ পিয়লত গঁড়ৰ সংখ্য়া বৃদ্ধিৰ পিছত এইবাৰ ভাল খবৰ আহিল পবিতৰালৈও। পবিতৰা অভয়াৰণ্যত গঁড়ৰ পিয়ল সম্পন্ন। ৪ বছৰত ৫টা গঁড় বৃদ্ধি পবিতৰাত। শেহতীয়াভাৱে ১০৭টা গঁড় গণনা কৰা হৈছে পবিতৰাত। ৩০টা মতা গঁড় , ৫০টা মাইকী গঁড় , ২৭টা গঁড়ৰ পোৱালি গণনা। ২০১৮ চনত পবিতৰাত ১০২ টা গঁড় পোৱা গৈছিল। ২০১৪ চনৰ পৰা বৰ্তমানলৈ পবিতৰাত এটাও গড়ঁৰ চোৰাং চিকাৰৰ ঘটনা সংঘটিত হোৱা নাই। উল্লেখ্য যে, পবিতৰাত ৩৮.৮১ বৰ্গ কিলোমিটাৰ এলেকা সামৰি আছে গঁড়ৰ বিচৰণভূমি।
