জোনাকৰে ৰাতি, অসমীৰে মাটি, জিলিকি জিলিকি পৰে…

বহুকেইটা অসমীয়া ছবিত গীত গাইছিল কোকিলকণ্ঠী লতা মংগেশকাৰে। ভূপেন হাজৰিকাৰ সংগীত পৰিচালনা, কথা আৰু সংগীত ব্যৱস্থাপনাৰে সেই সময়ত এনে অসংখ্য ছবিৰ বাবে লতা মংগেশকাৰে কালজয়ী গীত গাইছিল। ভাৰতৰত্ন ভূপেন হাজৰিকাই সংগীত পৰিচালনা কৰা এৰা বাটৰ সুৰ ছবিখনত ১৯৫৬ চনতেই লতা মংগেশকাৰে গাইছিল এটি কালজয়ী গীত। সেই গীতটো আছিল ‘জোনাকৰে ৰাতি, অসমীৰে মাটি, জিলিকি জিলিকি পৰে…’। এই গীতটিৰ কথা, সুৰ আৰু সংগীত আছিল ভূপেন হাজৰিকাৰ। ‘ মই অধাই জলধিৰ মাজলৈ’ শীৰ্ষক গীতটো গাইছিল লতা মংগেশকাৰে। ‘গোদাবৰী নৈৰে পৰা অসমী আইলৈ যাচো প্ৰণাম’ শীৰ্ষক গীতটোতো কণ্ঠদান কৰিছিল লতাই। ভূপেন হাজৰিকাৰ সৈতে ‘দুয়ো মুখামুখি’ শীৰ্ষক গীতটোতো কণ্ঠদান কৰিছিল লতা মংগেশকাৰে। শনি তালুকদাৰে ৰচনা কৰা আকাশ অ’ আকাশ মোক জোনাকী এমুঠি দিয়া গীতটো গাইছিল লতা মংগেশকাৰে। অপৰাজেয় ছবিখনত এই গীতটো গাইছিল লতা মংগেশকাৰে। ৯২ বছৰ বয়সত মৃত্যুৰ পিছতে দেশজুৰি শোকৰ ছাঁ।