WhatsAppত আমি আমাৰ প্ৰয়োজনীয় বা সময় অতিবাহিত কৰিবৰ বাবে আৰু জৰুৰী কামৰ বাবে বিভিন্ন মত বিনিময় কৰোঁ। বহুসময়ত একে সময়তে বহু লোকৰ সৈতে কথা পাতি থাকোঁতে আন কাৰোবাক প্ৰেৰণ কৰা বাৰ্তাটো আন কাৰোবাৰ ওচৰলৈ গুচি যায়। এনে পৰিস্থিতিত আপোনাৰ ওচৰত সেই বাৰ্তাটো ডিলিট কৰাৰ বাহিৰে কোনো বিকল্প নাই। এই সময়ত WhatsAppৰ ডিলিট ফৰ এভ্ৰিৱান সুবিধাটো কামত আহে। আগন্তুক দিনত WhatsApp-এ আৰু কিছুমান সুবিধা আগবঢ়াব।
প্ৰকাশিত খবৰ অনুসৰি WhatsApp-এ ‘সকলোৰে বাবে বিলোপ’ সুবিধাৰ সময়সীমা বৰ্তমানৰ ১ ঘণ্টা, ৮ মিনিট আৰু ১৬ ছেকেণ্ডৰ সময় বৃদ্ধি কৰাৰ বাবে কাম কৰি আছে। এই সম্প্ৰসাৰণে ব্যৱহাৰকাৰীসকলক ভুলকৈ প্ৰেৰণ কৰা বাৰ্তাবোৰ দীঘলীয়া সময়ৰ ভিতৰত ডিলিট কৰাত সহায় কৰিব। ইয়াৰ লগতে WhatsApp-এ গ্ৰুপ এডমিনসকলক একাধিক WhatsApp গ্ৰুপ এটা ঠাইৰ পৰা যোগ আৰু পৰিচালনা কৰিবলৈ অনুমতি দিব। ই এডমিনসকলক সকলো সদস্যলৈ একেলগে প্ৰয়োজনীয় বাৰ্তা প্ৰেৰণ কৰিবলৈ অনুমতি দিব।
হোৱাটছএপে ডিলিট ফৰ এভ্ৰিৱান অপচনৰ সময়সীমা দুদিন আৰু ১২ ঘণ্টালৈ বৃদ্ধি কৰাৰ ওপৰত কাম কৰি আছে। যদিহে কাৰোবালৈ ভুল বাৰ্তা প্ৰেৰণ কৰে তেন্তে সেই বাৰ্তাটো আঢ়ৈ দিনৰ ভিতৰত ডিলিট কৰিবলৈ সক্ষম হ’ব। অৰ্থাৎ বাৰ্তাটো প্ৰেৰণ কৰাৰ ৬০ ঘণ্টাৰ সময়ৰ ভিতৰত ডিলিট কৰিব পাৰিব। এণ্ড্ৰইড বিটা সংস্কৰণ 2.22.410-ৰ বাবে WhatsApp-এ ‘সকলোৰে বাবে ডিলিট’ৰ সময়সীমা দুদিন আৰু ১২ ঘণ্টালৈ বৃদ্ধি কৰাৰ পৰামৰ্শ দিছে। ইয়াৰ অৰ্থ হৈছে ব্যৱহাৰকাৰীসকলে বাৰ্তা এটা স্থায়ীভাৱে বিলোপ কৰিবলৈ আঢ়ৈ দিন পাব।
এই সুবিধা ব্যৱহাৰ কৰি বাৰ্তাটো ডিলিট কৰাৰ পিছত এটা মেছেজৰ সৈতে সলনি কৰিব। মেছেজটো ডিলিট হোৱাৰ পিছত This message was deleted বুলি নটিফিকেচন লাভ কৰিব। যোৱা বছৰৰ নৱেম্বৰতো মেচেজিং এপটোৱে সময়সীমা সাত দিনতকৈ অধিক সময়লৈ বৃদ্ধিৰ পৰিকল্পনা কৰিছিল বুলি জনা গৈছিল।
