এইবাৰ লৈ আহিছোঁ টেনিছ জগতৰ খবৰ। ভাৰতৰ আটাইতকৈ স ফল মহিলা টেনিছ খেলুৱৈ ছানিয়া মিৰ্জাই নিজৰ অৱসৰ সম্পৰ্কত কিছু গুৰুত্বপূৰ্ণ কথা ঘোষণা কৰিছে।
চলিত অষ্ট্ৰেলিয়ান অপেনত মহিলাৰ ডাবলছত প্ৰথম ৰাউণ্ডত পৰাজিত হোৱাৰ পিছত ছানিয়াই ঘোষণা কৰে যে, ২০২২ বৰ্ষটো তেওঁৰ টেনিছ কেৰিয়াৰৰ অন্তিমটো ছিজন হ’ব।
মহিলাৰ ডাবলছত বিশ্বৰ নম্বৰ ৱান আৰু মহিলা ছিংগলছত তেওঁৰ কেৰিয়াৰৰ সৰ্বশ্ৰেষ্ঠ ৰেংকিং আছিল ২৭। ৩৫ বছৰীয়া খেলুৱৈগৰাকী বৰ্তমানেও বিশ্বৰ ৬৮ সংখ্যক স্থানত আছে।
ছানিয়া মিৰ্জা হৈছে গ্ৰেণ্ড শ্লেম জয় কৰা প্ৰথম গৰাকী ভাৰতীয় মহিলা আৰু মিৰ্জাই এছিয়ান গেমছ, কমনৱেলথ গেমছত পদক জয় লাভ কৰিবলৈ সক্ষম হৈছিল।
