অষ্টম শ্ৰেণীৰ ছাত্ৰী প্ৰকৃতি মাল্লাই ২০২০ বৰ্ষত সকলোৰে দৃষ্টি কাঢ়িছিল। প্ৰথমে জন্মস্থান নেপালত ব্যাপক চৰ্চা হৈছিল, লগে লগে নেপাল চৰকাৰে ছাত্ৰীগৰাকীক বঁটা প্ৰদান কৰিছিল। ইয়াৰ পিছতে ছ’চিয়েল মিডিয়া প্লেটফৰ্মত বিশ্বজুৰি ভাইৰেল হৈ পৰিছে ছাত্ৰীগৰাকীৰ হস্তাক্ষৰ।
ফেচবুক আৰু টুইটাৰ ব্যৱহাৰকাৰীসকলৰ দ্বাৰা ভাইৰেল হোৱা মাল্লাই লিখা এটা পৃষ্ঠাত উল্লেখ আছিল যে “শিশু আৰু প্ৰাপ্তবয়স্ক দুয়োৰে বাবে হস্তাক্ষৰ এক অত্যাৱশ্যকীয় দক্ষতা। আনকি প্ৰযুক্তিৰ যুগতো, শ্ৰেণীকোঠাৰ শিক্ষাৰ্থীসকলৰ বাবে জ্ঞানৰ যোগাযোগ আৰু মূল্যাংকন কৰাৰ প্ৰাথমিক সঁজুলি। শেহতীয়া এক অধ্যয়নত এইটো মন কৰিছো যে কিণ্ডাৰগাৰ্টেনৰ শিশুসকলে বিদ্যালয়ত এতিয়াও তেওঁলোকৰ ৪২ শতাংশ সময় কাগজ আৰু পেঞ্চিলৰ কামত অতিবাহিত কৰিছে।”
ছাত্ৰীগৰাকীৰ কথাখিনি লাখ লাখ নেটিজেনে ভাগ বতৰা কৰাৰ পিছত একাংশই পৰামৰ্শ দিছে যে মাইক্ৰছফটে নিজৰ সামগ্ৰীৰ ওপৰত মাল্লাৰ হস্তাক্ষৰক এক অফিচিয়েল ফণ্ট হিচাপে গ্ৰহণ কৰিব লাগে। বিভিন্নজনক অতীতৰ কথা মনত পেলাই দিলে। এজনে টুইট কৰি লিখিছে- “মোক মোৰ দেউতাৰ লিখনিৰ কথা মনত পেলাই দিলে। তেওঁ ১৩ বছৰ বয়সত স্কুল সাং কৰিছিল, এতিয়া ১০১ বছৰে হ’ব।”
মহামানৱ মহাত্মা গান্ধীয়েও কৈছিল-গুড হেণ্ড ৰাইটিং ইজ এ নেচেচাৰী পাৰ্ট অৱ এডুকেচন।
