অসম টেনিছ সন্থাৰ উদ্যোগত আজিৰে পৰা অহা ১২ নৱেম্বৰলৈ গুৱাহাটীৰ চচলত থকা অসম টেনিছ সন্থাৰ নিজস্ব টেনিছ প্ৰকল্পত অনুষ্ঠিত হ’ব আই টি এফ ছিনিয়ৰ আন্তৰ্জাতিক টেনিছ প্রতিযোগিতা। অসম টেনিছ সন্থাৰ সম্পাদক অংকুশ দত্তই জনাই যে প্রতিযোগিতাত প্ৰায় ৮০ গৰাকী খেলুৱৈয়ে অংশ লৈছে। উল্লেখ্য যে, প্রতিযোগিতাত একক আৰু ডাবলছ শাখাৰ মেচ অনুষ্ঠিত হ’ব। ছিনিয়ৰ প্ৰতিযোগিতাত পুৰুষৰ ৩৫, ৪৫ আৰু ৫৫ বছৰ ঊৰ্ধৰ তথা মহিলাৰ ৩৫ বছৰ ঊৰ্ধৰ খেলুৱৈয়ে খেলিব। আই টি এফ আৰু আইটাৰ পঞ্জিয়ন থকা খেলুৱৈয়েহে এই আন্তর্জাতিক টেনিছ প্রতিযোগিতাত অংশ লোৱাৰ সুযোগ লাভ কৰিছে। উল্লেখ্য যে, আন্তর্জাতিক টেনিছ ফেডাৰেছনে দুখনকৈ আন্তর্জাতিক টেনিছ প্রতিযোগিতা গুৱাহাটীত আয়োজন কৰাৰ দায়িত্ব অর্পন কৰিছে অসম টেনিছ সন্থাক। সেই অনুসৰি ৮ৰ পৰা ১২ নৱেম্বৰলৈ গুৱাহাটীৰ চচলত থকা অসম টেনিছ সন্থাৰ নিজস্ব টেনিছ প্ৰকল্পত অনুষ্ঠিত হ’ব আই টি এফ ছিনিয়ৰ আন্তর্জাতিক টেনিছ প্রতিযোগিতা। আনহাতে, ১৫-২০ নৱেম্বৰলৈ একে স্থানতে অনুষ্ঠিত হ’ব আই টি এফ জুনিয়ৰ আন্তর্জাতিক টেনিছ প্রতিযোগিতা। প্রতিযোগিতাৰ মুঠ প্রাইজমানি তিনি লাখ চাৰি হেজাৰ টকা। ইফালে, জুনিয়ৰ প্ৰতিযোগিতাত ১৮ বছৰ অনুৰ্ধ ল’ৰা-ছোৱালীয়ে অংশ ল’ব। উল্লেখ্য যে, মহামাৰী কৰ’নাৰ পাছত অসমত অনুষ্ঠিত হ’ব লগা এইখনেই হ’ব প্ৰথমখন আন্তর্জাতিক ক্রীড়া প্রতিযোগিতা। ইফালে, অসম টেনিছ সন্থাৰ সম্পাদক অংকুশ দত্তক আন্তর্জাতিক টেনিছ ফেডাৰেছনে উক্ত দুয়োখন আন্তর্জাতিক টেনিছ প্ৰতিযোগিতাৰ বাবে সঞ্চালক হিচাপে নিযুক্তি দিছে। ইফালে, এই প্রতিযোগিতা দুখনত ৰেফাৰীৰ দায়িত্বত থাকিব বংগৰ ছাইকত ৰয়।
More like thisRelated
গোৱা আন্তঃৰাষ্ট্ৰীয় চলচ্চিত্ৰ প্ৰতিযোগিতালৈ হেমন্ত শৰ্মাৰ ছবি ‘টু-লেট্’
সংবাদজগতত এটি পৰিচিত নাম হেমন্ত শৰ্মাই নিৰ্মাণ কৰা চুটি...
অসমৰ ৩ মাছ ব্যৱসায়ীক ঘপিয়ালে অৰুণাচলী দুৰ্বৃত্তই, নাৰায়ণপুৰত ভয়ংকৰ ঘটনা
লখিমপুৰৰ বান্দৰদেৱাত অৰুণাচলীৰ তাণ্ডৱ। মাছ ক্ৰয় কৰিবলৈ আহি মৎস্য...
তিনিদিনীয়া ভ্ৰমণসূচীৰে থাইলেণ্ড আৰু শ্ৰীলংকালৈ প্ৰধানমন্ত্ৰী নৰেন্দ্ৰ মোদী
তিনিদিনীয়া ভ্ৰমণসূচীৰে থাইলেণ্ড আৰু শ্ৰীলংকালৈ প্ৰধানমন্ত্ৰী নৰেন্দ্ৰ মোদী। ষষ্ঠ...
তীব্ৰ বিতৰ্কৰ মাজতে সংসদত গৃহীত হ’ল ৱাকফ সংশোধনী বিধেয়ক
তীব্ৰ বিতৰ্কৰ মাজতে সংসদত গৃহীত হ'ল ৱাকফ সংশোধনী বিধেয়ক।...