মৰ্মান্তিক! যাত্ৰীবাহী বাছত জুই লাগি মৃত্যু ৯জনকৈ যাত্ৰীৰ

দেশত পুনৰ সংঘটিত হৈছে এক মৰ্মান্তিক ঘটনা। হাৰিয়ানাত এখন যাত্ৰীবাহী বাছত সংঘটিত হয় ভয়াৱহ অগ্নিকাণ্ড। অগ্নিকাণ্ডত ৯জনকৈ যাত্ৰীয়ে কৰুণ মৃত্যুক সাৱটি লয়। নিহতসকলৰ ভিতৰত ছগৰাকী মহিলা আৰু ৩জন পুৰুষ। আনফালে এই ঘটনাত গুৰুতৰভাৱে আহত হয় ২৪জনকৈ যাত্ৰী। শুকুৰবাৰে নিশা হাৰিয়ানাৰ নুহত সংঘটিত হয় এই ঘটনা। পুৱতি নিশা ডেৰ বজাত সংঘটিত হয় এই শোকাৱহ ঘটনাতো। ধৰ্মীয় পৰ্যটনস্থলী দৰ্শনৰ বাবে বাছখনত গৈছিল লোকসকল। পাঞ্জাৱৰ হুচিয়াৰপুৰ অঞ্চলৰ বাসিন্দা আছিল যাত্ৰীসকল। তীৰ্থস্থান দৰ্শন কৰি ৭-৮ দিনৰ অন্তত ঘৰলৈ উভতিছিল লোকসকল।

Author: NKTV Digital