জন্মদিন পালন কৰি আমি সকলোৱে ভাল পাওঁ। কিন্তু যদি চিৰিয়াখানাত থকা জন্তুৱে জন্মদিন উদযাপন কৰা বুলি শুনো তেন্তে আচৰিত যেন লাগিব, নহয় নে? হয়, আচৰিত হলেও এয়া সত্য। বাৰ্লিনৰ এখন চিৰিয়াখানাত এই বিৰল ঘটনা সংঘটিত হৈছে। পৃথিৱীৰ আটাইতকৈ বয়সীয়াল গৰিলাই তাইৰ ৬৫সংখ্যক জন্মদিৱস উদযাপন কৰে। গৰিলা জনীৰ নাম ফাটৌ। চিৰিয়াখানাখনত তাই সকলোৰে খুবেই প্ৰিয়। ফাটৌ নামৰ প্ৰিয় গৰিলাটোক মাত্ৰ দুবছৰ বয়সতে বাৰ্লিন চিৰিয়াখানালৈ অনা হৈছিল। গৰিলাবোৰগড়ে ৩৫ৰ পৰা ৪০বছৰ জীয়াই থাকে যদিও তাই ৬৫বছৰ সম্পূৰ্ণ কৰিছে । সেইবাবে পৃথিবীৰ আটাইতকৈ পুৰণি গৰিলা বুলি স্বীকৃতি পাইছে ফাটৌ নামৰ গৰিলাটোৱে। বুধবাৰে,পৃথিৱীৰ আটাইতকৈ পুৰণি গৰিলা ফাটৌৱে জাৰ্মানীৰ নিজৰ চিৰিয়াখানাখনত তাইৰ ৬৫সংখ্যক জন্মদিন উদযাপন কৰে। ফাটৌৱে প্ৰত্যাশিত জীৱনকালৰ প্ৰায় দুগুণ জীয়াই থাকিবলৈ সক্ষম হৈছে।
বাৰ্লিন চিৰিয়াখানাই ফাটৌৰ এটা ভিডিঅ শ্বেয়াৰ কৰিছিল য’ত ফাটৌৱে জন্মদিনৰ কেকৰ সৈতে বিশেষ দিনটো উদযাপন কৰিছিল। ভিডিঅ’টো শ্বেয়াৰ কৰাৰ সময়ত চিৰিয়াখানা কৰ্তৃপক্ষই লিখিছিল, “এই মহান জন্মদিনৰ কেকৰ বাবে আমাৰ ৰক্ষকসকলক বহুত ধন্যবাদ। ফাটৌৱে ভাল পাইছিল ভিডিঅ’টোত,ফাটৌক এটা কেক উপভোগ কৰা দেখা গৈছে য’ত বেৰীৰ সৈতে ৬৫নম্বৰ লিখা আছে। চিৰিয়াখানাত কাম কৰা খ্ৰীষ্টান অষ্টে এইদৰে কৈছিল যে কেকৰ আধাৰ চাউলৰে নিৰ্মিত আৰু আমি কেকটো সজাবৰ বাবে কোয়াৰ্ক,পাচলি আৰু ফল ব্যৱহাৰ কৰিছিলোঁ। তাইৰ অসাধাৰণ বৃদ্ধ বয়সৰ বাবে,ফাটৌ এগৰাকী স্বাস্থ্যকৰ ভোক থকা অতি শক্তিশালী বুঢ়ী। আমি প্ৰতিদিনে সুখী যে তাই আমাৰ সৈতে আছে আৰু তাইৰ সৈতে আৰু কেইটামান জন্মদিন উদযাপন কৰিবলৈ সক্ষম হম বুলি আশা কৰিছো। ফাটৌ ১৯৫৭চনত চিৰিয়াখানাৰ তত্বাৱধানত আহিছিল,যেতিয়া তাইৰ বয়স মাত্ৰ দুবছৰ আছিল।
আৰ.বি.বি.অনলাইনৰ প্ৰতিবেদন অনুসৰি, গৰিলাটো পশ্চিম আফ্ৰিকাৰ পৰা এজন নাবিকে আনিছিল যিয়ে প্ৰথমে তাইক ফ্ৰান্সলৈ লৈ আহিছিল। ফ্ৰান্সত,নামহীন নাবিকজনে ডেকা জন্তুটো মাৰ্চেইলৰ এজন পাবৰ মালিকক বিক্ৰী কৰিছিল যেতিয়া তেওঁ নিজৰ প্ৰাপ্য পৰিশোধ কৰিবলৈ অক্ষম হৈছিল অৱশ্যে,সৌভাগ্যক্ৰমে বাৰ্লিন চিৰিয়াখানাই সোনকালেই পাবৰ মালিকৰ পৰা ডেকা জন্তুটো লৈ আহে ।
